13.01.2026 | 14:49
Սա ինձ համար անձնական ողբերգություն է. Պապիկյանը՝ 15 զինվորի կյանք խլած Ազատի կացարանի հրդեհի մասին. ՏԵՍԱՆՅՈՒԹ
Մերձավանի դպրոցի տնօրենի պաշտոնակատարը աշխատանքից կազատվի․ ԿԳՄՍՆ
Հասարակություն
14.05.2025 | 11:31
ՀՀ ԿԳՄՍ նախարարությունը պարզաբանում է տարածել Մերձավան գյուղի միջնակարգ դպրոցում տեղի ունեցած միջադեպի առնչությամբ։
«ՀՀ կրթության, գիտության, մշակույթի և սպորտի նախարարությունը խստորեն դատապարտում է Արմավիրի մարզի Փարաքար համայնքի Մերձավան գյուղի միջնակարգ դպրոցում տեղի ունեցած միջադեպը, որի ընթացքում պատմության ուսուցչի նկատմամբ դրսևորվել է անթույլատրելի վերաբերմունք՝ դպրոցի տնօրենի ժամանակավոր պաշտոնակատարի, որոշ ուսուցիչների, աշակերտների և ծնողների մասնակցությամբ։
Միաժամանակ տեղեկացնում ենք, որ Արմավիրի մարզպետի աշխատակազմի հետ համագործակցությամբ որոշում է կայացվել սահմանված կարգով տնօրենի ժամանակավոր պաշտոնակատարին աշխատանքից ազատելու և տնօրենի նոր ժամանակավոր պաշտոնակատար նշանակելու վերաբերյալ։
Ավելին՝ նախարարությունը կձեռնարկի բոլոր անհրաժեշտ քայլերը, այդ թվում՝ օրենսդրական, ուսումնական հաստատություններում ուսուցիչների իրավունքների պաշտպանությունն ապահովելու և կրթական միջավայրում առողջ, հարգալից ու անվտանգ պայմաններ ստեղծելու համար։
Մերձավանի միջնակարգ դպրոցը կգտնվի հատուկ մշտադիտարկման ներքո՝ առկա բոլոր խնդիրներն ուսումնասիրելու և անհրաժեշտ քայլեր ձեռնարկելու նպատակով, քանի որ արձանագրված միջադեպը վկայում է դպրոցում արմատացած խորքային և բազմաշերտ խնդիրների մասին»,- ասված է պարզաբանման մեջ։
Նշենք որ Factor TV-ի հետ զրույցում Արմավիրի մարզպետի օգնական Մանվել Մելիքյանը՝ անդրադառնալով Մերձավանի միջնակարգ դպրոցի դասադուլին, ասել էր, որ պատմության ուսուցչուհի Ռոզա Դավթյանը հակափաստարկ չունի ու հույս էր հայտնել, որ խնդիրը առաջիկայում կհանգուցալուծվի։
Հիշեցնենք՝ ուսուցիչները, ծնողներն ու աշակերտները պնդում են, որ Դավթյանն արդեն 6 ամիս դասավանդում է դպրոցում և ուսուցչին ոչ հարիր վարք է դրսևորում․ վիրավորում է աշակերտներին, ուսուցչական կազմին, ոչ պատշաճ կերպով է արտահայտվում արցախցիների մասին:
