Դեկտեմբերի 20-ին Սերգեյ Սմբատյանի ղեկավարությամբ և Հայաստանի պետական սիմֆոնիկ նվագախմբի կատարմամբ թողարկվելու է մաեստրո Տիգրան Մանսուրյանի այդչափ սիրված կինոերաժշտության ալբոմը․ տեղեկացնում են Երևանի քաղաքապետարանից։ Կինոերաժշտության և թատերական բեմադրությունների համար գրված երաժշտությունը հասանելի կլինի բոլոր առաջատար հարթակներում (Spotify, Apple Music, Amazon Music, YouTube և այլ)։ Նախագիծն իրականացվել է Երևանի քաղաքապետարանի աջակցությամբ` Տիգրան Մանսուրյանի 85-ամյակի առիթով։

Ռուսաստանում արգելափակվել է Viber մեսենջերը՝ ռուսական օրենսդրության պահանջները խախտելու պատճառով։ «Արմենպրես»-ի փոխանցմամբ՝ «Ռոսկոմնադզոր»-ը հայտնում է, որ մեսենջերի հասանելիությունը սահմանափակվել է՝ կապված տեղեկատվության տարածման կազմակերպիչների համար նախատեսված պարտավորությունների չկատարման հետ։ «Ռոսկոմնադզոր»-ի հաղորդագրության համաձայն, այս միջոցառումը նպատակ ունի կանխել մեսենջերի օգտագործումը ահաբեկչական և ծայրահեղական նպատակներով, քաղաքացիների հավաքագրումը նման գործողությունների իրականացման համար, թմրանյութերի վաճառքը և այլ անօրինական գործողությունների …

Պետության կողմից երաշխավորված անվճար վերարտադրողական օժանդակ տեխնոլոգիաների միջոցով արտամարմնային բեղմնավորման  (ԷԿՈ) ծրագրից օգտվող շահառուների թիվը, ծրագրի ընդլայնումից հետո, նախորդ տարվա համեմատ աճել է գրեթե 1000-ով: «Արմենպրես»-ի թղթակցի հաղորդմամբ՝ Ծաղկաձորում լրագրողների հետ հանդիպման ժամանակ ՀՀ առողջապահության նախարարի տեղակալ Արմեն Գասպարյանն ընդգծեց, որ  2023 թվականի 5441 շահառուի համեմատ պետության կողմից երաշխավորված անվճար «ԷԿՈ» ծրագրին 2024 թվականի մինչև …

«Բարեփոխումը բարդ է, ծավալուն, տարատեսակ ռեսուրսներ պահանջող, բայց հստակ է մի բան` առողջության համապարփակ ապահովագրությունը ներդրվելու է»,-ՀՀ առողջապահության նախարարության փոխանցմամբ՝ լրագրողների հետ հանդիպմանը նշել է առողջապահության նախարար Անահիտ Ավանեսյանը՝ ընդգծելով, որ առողջության ապահովագրությամբ միայն հնարավոր է լինելու բոլոր բուժծառայություները հասանելի դարձնել մեր քաղաքացիներին։ Մանրամասները՝ տեսանյութում։

Մարդու իրավունքների պաշտպան Անահիտ Մանասյանը դեկտեմբերի 13-ին բացման խոսքով է հանդես եկել Եվրոպայի խորհրդի «Մարդու իրավունքների խթանումը Հայաստանի զինված ուժերում» ծրագրի շրջանակներում անցկացվող Հայաստանի Հանրապետության դեմ Մարդու իրավունքների եվրոպական դատարանի (ՄԻԵԴ) կողմից կայացված վճիռների կատարման վերաբերյալ միջգերատեսչական աշխատաժողովին: Քննարկման առարկա է դարձվել «Առողջապահական ծառայությունների բարելավումը Հայաստանի զինծառայողների համար» թեման։ Աշխատաժողովի նպատակն է խթանել Մուրադյանն ընդդեմ …

NYMEX բորսայի դեկտեմբերի 13-ի առևտրային նստաշրջանի արդյունքում սահմանվել են ոսկու, արծաթի և պլատինի հետևյալ գները. Ոսկու գինը նվազել է 1.63%-ով և կազմել 2665.90 դոլար, արծաթի գինը նվազել է 1.37%-ով և կազմել 31.00 դոլար, իսկ պլատինի գինը նվազել է 1.27%-ով և կազմել 927.70 դոլար: Չափման միավորը 1 տրոյական ունցիան է (31.1 գրամ): Նյու Յորքի NYMEХ-ն (New …

Դեկտեմբերի 14-ին, ժամը 08։39-ին Լոռու մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վանաձոր-Սպիտակ ավտոճանապարհի 8-րդ կմ-ին ձին ընկել է փոսը․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարները պարանների օգնությամբ կենդանուն դուրս են բերել փոսից։

Աշխարհի խոշորագույն հումքային բորսաների դեկտեմբերի 13-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 1.54%-ով և կազմել 71.09 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 1.50%-ով և կազմել 74.49 դոլար: Նավթի չափման միավորը բարելն …

Բահրեյնի մայրաքաղաք Մանամայում ընթացող ծանրամարտի աշխարհի առաջնությունում այսօր՝ դեկտեմբերի 14-ին, Հայաստանը կունենա երեք ներկայացուցիչ: Տղամարդկանց պայքարում մրցահարթակ դուրս կգան 109 կգ քաշայիններ Պետրոս Պետրոսյանը (մեկնարկը՝ 14։00-ին), և Գարիկ Կարապետյանը (մեկնարկը՝ 18։30-ին)։ Կանանց պայքարում ընթացիկ առաջնությունում մեր վերջին ներկայացուցիչը կլինի 87 կգ քաշային Տաթև Հակոբյանը (մեկնարկը՝ 21։00-ին)։ Հիշեցնենք, որ Հայաստանի առաջին մեդալն այս առաջնությունում նվաճել է …

Ներկայացնում ենք Երևանում գործող փոխանակման կետերում գնվող և վաճառվող արտարժույթների փոխարժեքները դեկտեմբերի 14-ի դրությամբ՝ ըստ rate.am-ի: Դոլարը գնվում է 393 դրամով, վաճառվում՝ 397-ով, Եվրոն գնվում է 414 դրամով, վաճառվում՝ 418-ով, Ռուսական ռուբլին գնվում է 3,73 դրամով, վաճառվում է 3,83-ով։