04.04.2026 | 11:15
Իսակովի պողոտայում 3 ավտեմեքենա է բախվել․ վարորդներից մեկը հոսպիտալացվել է
Ֆրանսիայի ԱԳ նախարարը հաստատել է Ուկրաինային Mirage 2000-5 կործանիչներ մատակարարելու պլանները
Քաղաքականություն
28.01.2025 | 19:30
Փարիզը կշարունակի զենք մատակարարել Ուկրաինային, մասնավորապես, առաջիկա ամիսներին Կիևը կստանա ֆրանսիական Mirage 2000-5 կործանիչներ, հայտարարել է Ֆրանսիայի արտգործնախարար Ժան-Նոել Բարրոն, գրում է BBC-ի ռուսական ծառայությունը։
«Ֆրանսիական Mirage ինքնաթիռները շուտով կթռչեն Ուկրաինայի երկնքում»,- ասել է Բարրոն Sud Radio-ի եթերում:
Նա մանրամասնել է, որ կործանիչները Կիև կհասնեն եռամսյակի վերջում, «ինչպես հայտարարել է հանրապետության նախագահը», սակայն չի նշել դրանց քանակը։
2024 թվականի հունիսին նախագահ Էմանուել Մակրոնը հայտարարել էր, որ Ֆրանսիան Ուկրաինային կտրամադրի արդիականացված Mirage 2000-5 կործանիչներ և օդաչուների պատրաստման ծրագրեր։
Ֆրանսիական լրատվամիջոցները հաղորդում են, որ գործարքը ներառում է երեք Mirage 2000-5 բազմանպատակային կործանիչների մատակարարում, որոնք համալրված են SCALP թևավոր հրթիռներով և AASM ռումբերով:
Թարգմանությունը՝ Տաթև Ֆռանգյանի
