09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
Բաքվի դատարանը իշխանություններին քննադատող ընդդիմադիր ակտիվիստին 6 տարվա ազատազրկման է դատապարտել
Քաղաքականություն
28.01.2025 | 20:16
Բաքվում ավարտվել է իշխանությունը բռնությամբ զավթելու հրապարակային կոչեր անելու մեջ մեղադրվող ընդդիմադիր ակտիվիստ Էլշան Քերիմովի դատավարությունը։ Քերիմովը հայտնի է սոցցանցերում Ադրբեջանի իշխանությունների գործողությունների ակտիվ քննադատությամբ։
Ադրբեջանական լրատվամիջոցների հաղորդմամբ՝ Բաքվի ծանր հանցագործությունների դատարանում տեղի ունեցած նիստի ժամանակ դատախազը Քերիմովի համար պահանջել է 7 տարի 6 ամիս ազատազրկում։ Դատարանի որոշմամբ՝ Էլշան Քերիմովը դատապարտվել է 6 տարվա ազատազրկման։
Ակտիվիստը երկար տարիներ ապրել է Ռուսաստանում։ Հարազատների խոսքով՝ 1994 թվականին գործազրկության պատճառով նա ընտանիքի հետ մեկնել է Ռուսաստան, որտեղ փոքր բիզնեսով է զբաղվել, տարին մեկ անգամ այցելել Ադրբեջան։ Ձերբակալությունից մի քանի օր առաջ նա վերադարձել է Ադրբեջան՝ հոր մահվան կապակցությամբ։
Ակտիվիստը ձերբակալվել է անցյալ տարվա ապրիլի 17-ին Եվլախի շրջանի Ռուստամլի գյուղից։ Գլխավոր դատախազության քննչական վարչությունը նրա դեմ քրեական գործ է հարուցել Քրեական օրենսգրքի 281.1 հոդվածի հատկանիշներով (իշխանությունը բռնությամբ զավթելու հրապարակային կոչեր):
Որպես Քերիմովի ձերբակալման իրական պատճառ նշվում է այն, որ նա սոցցանցերում գրառումներ է արել ի պաշտպանություն Ադրբեջանում քաղբանտարկյալների՝ ընդդիմադիր Ժողովրդական ճակատ կուսակցության ակտիվիստների, այլ քաղաքական կուսակցությունների անդամների, հասարակական գործիչների և լրագրողների։
Թարգմանությունը՝ Էմմա Չոբանյանի
