Մարդու իրավունքների պաշտպան Անահիտ Մանասյանն ապրիլի 19-ին Լոռու մարզի երիտասարդների համար վարպետաց դաս է անցկացրել․ հայտնում են Օմբուսդմենի աշխատակազմից։ «Հայաստանի մանուկներ» հիմնադրամի (ՔՈԱՖ) Դեբետ գյուղում տեղակայված ՍՄԱՐԹ կենտրոնում տեղի ունեցած միջոցառման նպատակն էր բարձրացնել մասնակիցների իրազեկվածությունն իրենց իրավունքների առնչությամբ և երիտասարդների համար ստեղծել որոշումների կայացման գործընթացում ներգրավվելու հնարավորություններ: Ողջունելով մասնակիցներին՝ Անահիտ Մանասյանը ներկայացրել է Մարդու …

Քրիստոնյա աշխարհն այսօր նշում է Սուրբ Զատիկը՝ Քրիստոսի Հարության տոնը: Այսօր` ապրիլի 20-ին, Սուրբ Հարության տոնի առիթով Մայր տաճարում հայրապետական Սուրբ պատարագ է մատուցվում Գարեգին Բ կաթողիկոսի ձեռամբ։ Factor.am-ն արձանագրել է, որ Նիկոլ Փաշինյանը ներկա չէ Սուրբ Հարության տոնի պատարագին։ Փորձեցինք վարչապետի աշխատակազմից մեկնաբանություն ստանալ, սակայն, մամուլի խոսնակը զանգերն ու հաղորդագրություններն անպատասխան թողեց։ 2020 թվականի …

Գիշերը Շենգավիթ վարչական շրջանի աշխատակազմում իրավապահները գործողություններ են իրականացրել։ Աշխատակիցներ են ձերբակալվել։ Այս տեղեկությունը Factor.am-ի հարցին ի պատասխան հաստատեցին Հակակոռուպցիոն կոմիտեից։ «Քննչական գործողություններն իրականացվել են Հակակոռուպցիոն կոմիտեում քննվող քրեական վարույթի շրջանակում։ ԱԱԾ աշխատակիցների հետ իրականացված համատեղ միջոցառումների արդյունքում կան ձերբակալված անձինք»,- նշեց կառույցի խոսնակ Մարինա Օհանջանյանը։ Շենգավիթ վարչական շրջանի աշխատակազմի ղեկավար Ռազմիկ Մկրտչյանն էլ ֆեյսբուքյան …

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ ավտոճանապարհը։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Ապրիլի 19-ին՝ Ավագ շաբաթ օրը երեկոյան, մեր Տեր և Փրկիչ Հիսուս Քրիստոսի Հրաշափառ Սուրբ Հարության տոնի առիթով, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հանդիսապետությամբ, Միածնաէջ Մայր Տաճարում մատուցվեց Սուրբ և Անմահ Պատարագ: Այս մասին տեղեկացնում է Մայր Աթոռի տեղեկատվական համակարգը։ Պատարագիչն էր Մայր Աթոռ Սուրբ Էջմիածնի դիվանապետ Գերաշնորհ Տ. Արշակ արքեպիսկոպոս Խաչատրյանը: …

Մոլդովայում ավարտին մոտեցող ծանրամարտի Եվրոպայի առաջնությունում 96 կգ քաշային հայ ծանրորդը երկամարտի 373 կգ արդյունքով զբաղեցրել է երրորդ տեղը։ Պոկում վարժությունում Հովհաննիսյանը, հաջող կատարելով բոլոր երեք մոտեցումները, գլխավերևում պահել է 173 կգ կշռող ծանրաձողը և արժանացել է փոքր բրոնզե մեդալին։ Հրում վարժությունում 203 կգ արդյունքով դարձյալ բրոնզե մեդալ է նվաճել։ Այս մասին տեղեկացնում են Ծանրամարտի …

Նախագահ Վահագն Խաչատուրյանը շնորհավորական ուղերձ է հղել Հիսուս Քրիստոսի Հրաշափառ Հարության տոնի առթիվ. «Սիրելի հայրենակիցներ, Սրտանց շնորհավորում եմ բոլորիս Սուրբ Զատիկի՝ Հիսուս Քրիստոսի Հրաշափառ Հարության տոնի կապակցությամբ։ Այս վեհ ու լուսավոր տոնը քրիստոնեական հավատքի ամենակարևոր խորհրդանիշներից է, որ մարմնավորում է կյանքի, հույսի, հոգևոր վերածննդի և արդարության հաղթանակը։ Այն մեզ կոչ է անում վերարժևորել մեր ներքին …

Արցախցիների ու Հայաստանի այլ տարածաշրջանների միջև տարբերությունները մշակութային և ազգագրական առումներով աննշան են, հիմնական տարբերությունների պատճառը խորհրդային շրջանն է,  նշում է ազգագրագետ Հրանուշ Խառատյանը: Ըստ Խառատյանի՝ փախստականների նկատմամբ տարբեր բացասական մոտեցումները բնորոշ են եղել դեռ 1988-ից փախստականների ալիքի նկատմամբ թե’ Հայաստանում, թե’ Ադրբեջանում, թե’ Վրաստանում, նույնը վերաբերվում է Արցախից 2020 և 2023 թ. տեղափոխված բնակչությանը: …

«Մշակույթն առանց բոհեմի չի լինում, իսկ Երևանում բոհեմը կորցրեցինք, այն վերացավ: Հիմա չկան այնպիսի վայրեր, որտեղ կհավաքվեն մտավորականները, զրույցներ կունենան: Նրանք ցաքուցրիվ են, բաժանված: Չեմ կարծում, թե նոր սերունդը կկարողանա ձևավորել այդ բոհեմը, գուցե ժամանակի ընթացքում այլ ֆորմատով մի բան ստեղծվի»,- Factor TV-ի հետ զրույցում տեսակետ է հայտնում բանաստեղծ, գրականագետ Հենրիկ Էդոյանը: Նա խոսում է …

Մոլդովայի մայրաքաղաք Քիշնևում ընթացող Եվրոպայի առաջնությունում պայքարի մեջ մտան 81 կգ քաշային կանայք: Ծանրամարտի ֆեդերացիայից տեղեկացնում են, որ Հայաստանի ընտրանու անդամ Էմմա Պողոսյանը պոկում վարժության ժամանակ բարձրացրեց 100 կգ: Հրումում Էմման բարձրացրեց միայն 130 կգ: Երկամարտի 230 կգ արդյունքով Պողոսյանը 5-րդն է Եվրոպայի առաջնությունում: Հայաստանի թիմի անդամ Մարգարիտա Առաքելյանը պոկում վարժության ժամանակ գլխավերևում պահեց 91 …