29.04.2026 | 14:50
Որքան է կազմելու Հայաստանում «Յուվենտուսի» ակադեմիայի ամսական վճարը. ծրագրի մանրամասներն ու նախագրանցման մեկնարկը․ ՏԵՍԱՆՅՈՒԹ
1,5 տարեկան երեխայի մահվան դեպքով քրեական վարույթ է նախաձեռնվել
Հասարակություն
29.05.2025 | 18:07
Մուրացան հիվանդանոցային համալիրում 1,5 տարեկան երեխայի մահվան դեպքի առնչությամբ նախաձեռնվել է քրեական վարույթ՝ Քրեական օրենսգրքի 187-րդ հոդվածի 2-րդ մասի հատկանիշներով (Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը)։ Նշանակվել է դիակի դատաբժշկական փորձաքննություն: Այս մասին Factor.am-ը տեղեկանում է Քննչական կոմիտեից։
Ավելի վաղ հայտնել էինք, որ երեկ երեկոյան Մուրացան հիվանդանոցային համալիրում 1,5 տարեկան երեխա է մահացել։ ԵՊԲՀ անձնակազմի ղեկավար Շուշան Դանիելյանը երեխայի մահվան հանգամանքների վերաբերյալ պարզաբանում էր փոխանցել, ըստ որի՝ երեխան ունեցել է փսխումներ, եղել է անհանգիստ, ունեցել է ընդհանուր թուլություն և մայրը, երթուղային տաքսիով, Վեդիից տեղափոխել է Մուրացան հիվանդանոցային համալիր:
Մուրացան հիվանդանոցային համալիրում երեխայի վիճակը գնահատվել է ծայրահեղ ծանր, կատարվել են համապատասխան վերակենդանացման միջոցառումներ։ Ընթացքում երեխայի մոտ գրանցվել է սրտի կանգ, սակայն վերականգնվել է մերսման ընթացքում: Այնուհետև ժամը 23:10-ի սահմաններում երեխայի մոտ նորից դիտվել է սրտի կանգ, կատարվել են վերակենդանացման միջոցառումներ, սակայն անարդյունք և ժամը 23:50-ին գրանցվել է երեխայի կենսաբանական մահը։
Անի Թամրազյան
