13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ծառայության մասին նախագիծը քննարկում ենք, որ լավարկենք, արժեքային հարցեր կան. Խաչատրյան․ ՏԵՍԱՆՅՈՒԹ
Քաղաքականություն
29.05.2025 | 18:02
ՔՊ խմբակցությունում ՊՆ նախարար Սուրեն Պապիկյանի մասնակցությամբ երեք ժամից ավելի տևած փակ քննարկումն ավարտվեց: Պաշտպանության և անվտանգության մշտական հարցերի հանձնաժողովի նախագահի տեղակալ Արմեն Խաչատրյանը լրագրողների հետ ճեպազրույցում ասաց, որ նախագիծն ամբողջությամբ բովանդակային քննարկման է ենթարկվում:
«Մինչև բոլոր մտահոգությունները չփարատվեն նախագծի հետ կապված քննարկումները կշարունակվեն: Հանրային կարծիքը պետք է հաշվի առնվի, նախագիծը դեռևս քննարկման փուլում կմնա»,- ասաց նա:
Նրա խոսքով` նախագիծը քննարկելու են և հնարավորինս լավարկեն:
«Խնդիրներ կան, կան իրավահարաբերություններ, հասարակական հարաբերություններ, որոնք թերի կարգավորված են և դրանք հրատապ կարգավորման կարիք ունեն, որովհետև չկարգավորելու դեպքում մենք Ազգային անվտանգության հետ կապված խնդիրները արդյունավետ չենք լուծում: Այսինքն, մեր բանակի զորահավաքային պրոցեսը մենք ավելի արդյունավետ դարձնելու լուրջ խնդիր ունենք, լուրջ ու այս նախագիծը շատ կարևոր է, բայց նախագծում հոդվածներ կան, նորմեր կան, որոնք արժեքային տարընկալումների խնդիր ունեն»,- ասաց նա:
Հիշեցնենք՝ ՔՊ պատգամավոր Հայկ Սարգսյանի հեղինակած նախագծով առաջարկվում է, որ զինակոչիկը կարող է վճարել 18 մլն դրամ և ծառայել 4 ամիս, կամ վճարել 24 մլն դրամ և ծառայել 1 ամիս։ Նշենք, որ ԱԺ պաշտպանության հանձնաժողովը հետաձգել է այդ նախագծի քննարկումը։
Մանրամասները` տեսանյութում:
