Քաղաքականություն
29.05.2025 | 17:53
Ադրբեջանական բանակում մարտավարական զորավարժություններ են անցկացվել մարտական կրակոցներով՝ հրթիռային և հրետանային զորքերի «Սմերչ» համազարկային կրակի ռեակտիվ համակարգերի ստորաբաժանումներով։
Ադրբեջանի ՊՆ-ի հաղորդմամբ՝ ընթացիկ տարվա ուսումնական պլանի համաձայն անցկացված վարժանքների շրջանակում «Տագնապ» ազդանշանով բարձրացված ռեակտիվ համակարգերի ստորաբաժանումը լքել է մշտական տեղակայման կետը և տեղակայվել կենտրոնացման գոտում։ Մարտական տեխնիկան պատրաստվել է մարտական օգտագործման։ «Սմերչ» ստորաբաժանումը տեղափոխվել է մեկնարկային դիրք և հաջողությամբ կատարել կրակային առաջադրանքներ։
Նշվում է, որ մարտական կրակոցներով մարտավարական վարժանքների հիմնական նպատակն է՝ բարձրացնել ստորաբաժանումների անձնակազմի մարտական կարողությունները, ինչպես նաև կատարելագործել զինծառայողների գիտելիքներն ու հմտությունները՝ համապատասխան ժամանակակից մարտի պահանջներին։
Թարգմանությունը՝ Էմմա Չոբանյանի
