Ուկրաինան կրկին հարվածել է Ղրիմի կամրջին․ երթևեկությունը դադարեցված է

Լուրեր

19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
Բոլորը

Ուկրաինացի զինվորականները կրկին հարվածել են մասամբ ավերված Ղրիմի կամրջին։ Հարձակման փաստը հաստատել է Ղրիմի ռուսական օկուպացիոն իշխանությունների ղեկավար Սերգեյ Աքսյոնովը, սակայն հարվածի հետևանքների մասին հավաստի տեղեկություններ դեռևս չկան, գրում է BBC-ի ռուսական ծառայությունը։

«Ղրիմի կամրջի վրա հերթական հարձակման հետևանքով երթևեկությունը ժամանակավորապես դադարեցվել է։ Իրականացվում է պատճառված վնասի գնահատում»,- սոցցանցերում գրել է Աքսյոնովը։

Ուկրաինական մոնիթորինգային ալիքները, հղում անելով տեղի համացանցային օգտատերերին, հայտնում են, որ կամրջի շրջանում մինչև 15 պայթյուն է որոտացել։

Ավելի վաղ անօդաչու թռչող սարքերով և հրթիռներով իրականացված զանգվածային հարվածի հետևանքով փլուզվել էր Ռուսաստանի Կրասնոդարի երկրամասը բռնակցված Ղրիմի հետ կապող կամրջի ավտոմոբիլային հատվածի՝ 270 մետր երկարությամբ կամարը։ Կամրջով ավտոմեքենաների երթևեկությունը դարձել էր անհնար, սակայն երկաթուղային հատվածը չէր վնասվել, և նոյեմբերի 17-ի ցերեկը դրա շահագործումը վերականգնվել էր։

Այժմ ուկրաինական ալիքները ենթադրում են, որ հարձակման թիրախը հենց երկաթուղային կամարն է եղել, որը զուգահեռ է փլուզված ավտոմոբիլային հատվածին։

Միաժամանակ, ուկրաինական անօդաչուները շարժվում են նաև այլ ուղղություններով։ Վերջին ժամերին Ռոսավիացիան հայտարարել է Կալուգայի և Սարատովի օդանավակայանների փակման մասին։ Ռուսական «Радар по всей России»  մոնիթորինգային ալիքը նախազգուշացրել է անօդաչու սարքերի հարձակման վտանգի մասին Ռուսաստանի հարավային շրջաններում, ինչպես նաև Լիպեցկի, Ռյազանի, Տուլայի, Նիժնի Նովգորոդի մարզերում և Մորդովիայի Հանրապետությունում։

Ռուսաստանի Տրանսպորտի նախարարությունը հաստատել է, որ ուկրաինական նոր հարձակումից հետո Ղրիմի կամրջով գնացքների երթևեկությունը դադարեցվել է։ Գերատեսչության հայտարարության մեջ նշվում է, որ երթևեկությունը «ժամանակավորապես դադարեցվել է», իսկ մասնագետները գնահատում են պատճառված վնասը։ Նախարարությունը նաև տեղեկացրել է, որ կամրջի վրա հարձակման հետևանքով տուժածներ չկան։

Թարգմանությունը՝ Էմմա Չոբանյանի