Համաձայն Արցախի Հանրապետության Սահմանադրության 169-րդ հոդվածի՝ հանրապետության նախագահի կողմից իր պաշտոնն ստանձնելու կապակցությամբ սեպտեմբերի 7-ին կառավարությունը հրաժարական է ներկայացրել երկրի ղեկավարին: Նույն օրը Նախագահ Բակո Սահակյանը ստորագրել է հրամանագիր կառավարության հրաժարականն ընդունելու մասին: Ըստ հրամանագրի՝ հանրապետության կառավարության անդամները կշարունակեն իրենց պարտականությունների կատարումը մինչև նոր կառավարության կազմավորումը:

Պետական եկամուտների կոմիտեն շարունակում է խրախուսել պարտաճանաչ հարկ վճարողներին: Պետական եկամուտների կոմիտեի նախագահի առաջին տեղակալ Կարեն Բրուտյանը սեպտեմբերի 7-ին «օրինապահ հարկ վճարող» կարգավիճակը հաստատող հավաստագիր է շնորհել 8 հարկ վճարողի: Դիմում ներկայացրած բիզնեսի 11 ներկայացուցիչներից 3-ը չեն համապատասխանել սահմանված չափանիշներին: Տարեսկզբից առ այսօր օրինապահ հարկ վճարողի հավաստագրի ստացման դիմում է ներկայացրել 177 տնտեսվարող, որից 129-ի …

«Ազատ դեմոկրատներ» կուսակցության նախագահ Խաչատուր Քոքոբելյանը համոզված է, որ «Հայաստանին հրամցրել են» Վրաստանում անցկացված ՆԱՏՕ-ի «Agile Spirit 2017» զորավարժություններից հրաժարվելու որոշումը։ «Ակնհայտորեն զգացվեց, որ Հայաստանը հաշվի առնելով ռուսական կողմնորոշումը, ուղղակիորեն չմասնակցեց այդ զորավարժություններին, որոնք բառիս բուն իմաստով խաղաղպահ նկատառումներով էին իրացվում»,- ասաց Քոքոբելյանը։ Նրա համար անընդունելի է, որ Հայաստանը երբևէ Ռուսաստանից պաշտոնապես չի պահանջել, որ …

ՀՀ հատուկ քննչական ծառայությունում մեղադրական եզրակացությամբ ավարտվել է ՀՀ քրեական օրենսգրքի 333-րդ հոդվածի հատկանիշներով քննված ևս երկու քրեական գործի նախաքննություն: Արդյունքում բացահայտվել է, որ ՀՀ ոստիկանության և ՀՀ քննչական կոմիտեի պետական հատուկ ծառայություն իրականացնող պաշտոնատար անձինք հանիրավի մեղադրվել են տարբեր հանցագործությունների կատարման` բռնությամբ զուգորդված պաշտոնեական լիազորություններն անցնելու և քրեական գործով ապացույցներ կեղծելու մեջ: Քրեական գործերից …

Կառավարության որոշմամբ Ա. Բ. Ալեքսանյանի անվան համաճարակաբանության, վիրուսաբանության և բժշկական մակաբուծաբանության գիտահետազոտական ինստիտուտը և Հիվանդությունների վերահսկաման և կանխարգելման ազգային կենտրոնը միացման ձևով կվերակազմակերպվեն:   Հիմնավորման համաձայն՝ վերոնշյալ կառույցների գործունեության առարկան և նպատակը գլխավորապես համընկնում են: Արդյունքում ակնկալվում է առողջապահական համակարգում առկա ռեսուրսների առավել նպատակային օգտագործում և ՀՀ առողջապահության նախարարության ենթակայության կառույցների գործունեության օպտիմալացում. կտնտեսվի մոտ …

Հայաստանի արտգործնախարար Էդվարդ Նալբանդյանը կմասնակցի ԵՄ և Արևելյան գործընկերության ԱԳ նախարարների հանդիպմանը: Ինչպես տեղեկացնում են ՀՀ ԱԳՆ լրատվության և հասարակայնության հետ կապերի վարչությունից, սեպտեմբերի 8-ին Տալլինում կայանալիք Եվրոպական միության և Արևելյան գործընկերության ԱԳ նախարարների հանդիպմանը մասնակցելու նպատակով արտգործնախարար Էդվարդ Նալբանդյանը կայցելի Էստոնիա։

Հանրակացարաններում երկար տարիներ բնակվող տեղաբնակ բնակիչների և նրանց ընտանիքների բնակարանային խնդիրները լուծելու նպատակով գործադիրն ընդունել է «Բնակելի տարածք նվիրելու մասին» որոշում: Կառավարությունը որոշել է Երևան քաղաքի և Արագածոտնի, Շիրակի, Կոտայքի, Վայոց ձորի, Արմավիրի մարզերի հանրակացարաններում բնակվող ՀՀ քաղաքացիներին նվիրել իրենց կողմից զբաղեցրած բնակելի տարածքները: Այս որոշմամբ կլուծվի ընդհանուր առմամբ 46 ընտանիքի բնակարանային հարցը:  Կառավարությունը որոշել …

Եվրոպական արժեքները կրող և այդ արժեքները չճանաչող երկրները չեն կարող գտնվել նույն հարթության վրա, ասել է ՀՀ ԱԺ նախագահ Արա Բաբլոյանը Գերմանիայի դեսպան Մաթիաս Քիսլերի հետ հանդիպման ժամանակ:   «Հայաստանը, ի տարբերություն հարևան որոշ երկրների, ժողովրդավարության հարցերում լուրջ առաջընթաց ունի: Այդ մասին վկայում են մեր երկրում քաղաքական հետապնդման բացակայությունը, արդար և թափանցիկ ընտրությունների անցկացումը, խոսքի …

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը պահանջում է քաղաքացիներից օգտվել միայն կանոնավոր ուղևորափոխադրումներից: Կառավարության նիստից հետո լրագրողների հետ զրույցում Մարտիրոսյանն ասաց, որ փորձը ցույց է տալիս՝ վերջին շրջանում բոլոր վթարները տեղի են ունենում ոչ կանոնավոր ուղևորափոխադրումներ իրականացնողների մասնակցությամբ: «Պետք է ավտոկայանից շարժվեն, այնտեղից տոմսեր գնեն, որովհետև մեքենաները ստուգվում են, կանոնավոր ուղևորափոխադրումներ են …

Համացանցում տեղեկություն է տարածվել, թե ինը երկրի, այդ թվում նաեւ Հայաստանին, արգելվելու է մասնակցել նոյեմբերին Անահայմում մեկնարկող ծանրամարտի աշխարհի առաջնությանը: Հայաստանի ծանրամարտի ֆեդերացիայի գլխավոր քարտուղար եւ ազգային հավաքականի գլխավոր մարզիչ Փաշիկ Ալավերդյանը ՀԱՕԿ լրատվականին մեկնաբանեց այդ տեղեկությունը. «Դա ընդամենն առաջարկ է, որը պետք է քննարկվի սեպտեմբերի 30-ից հոկտեմբերի 1-ը Բուխարեստում կայանալիք IWF գործադիր խորհրդի արտահերթ …