Արմեն Սարգսյանը դեռևս 2014թ.-ին եղել է Մեծ Բրիտանիայի քաղաքացի, ուստի չի ապահովվում վերջին 6 տարում միայն ՀՀ քաղաքացի լինելու սահմանադրական պահանջը. ՀԿ-ներ

Լուրեր

19.02.2018 | 17:45
Հարձակում VTB բանկի վրա․ ուղիղ միացում
19.02.2018 | 17:36
Մեկնարկել է ՏՏ համաշխարհային համաժողովը. ավարտին Հայաստանը կվերցնի էստաֆետը
19.02.2018 | 17:21
Վստահել պետք է միայն ինքդ քեզ, սակայն դա էլ չի կարող պաշտպանել ողբերգական սխալներից. Արմեն Ջիգարխանյան
19.02.2018 | 17:06
Էթիկայի հանձնաժողովն ուսումնասիրում է քաղաքացու դիմումն ընդդեմ Վիգեն Սարգսյանի՝ «բոշան դու ես» արտահայտության համար. Ս.Սահակյան. Tert.am
19.02.2018 | 17:03
Զինված հարձակում VTB բանկի մասնաճյուղի վրա․ հափշտակվել է 7 միլիոն դրամ
19.02.2018 | 16:43
Հայ նոր քաղաքական դասը երկու խնդիր ունի լուծելու՝ վռնդել վատ այգեպանին ու բանիմաց այգեպան նշանակել. Ժիրայր Սեֆիլյան
19.02.2018 | 16:28
Ջանքերը պետք է ուղղված լինեն Արցախ-Ադրբեջան-Հայաստան եռակողմ բանակցությունների վերսկսմանը, այլ ոչ թե նոր բանակցային ճարտարապետության ստեղծմանը. Մասիս Մայիլյան
19.02.2018 | 16:13
Թուրքիայի ԶՈՒ-ի պաշտոնական տվյալները Աֆրինում քրդերի կորուստների մասին
19.02.2018 | 15:53
 Այլընտրանքային աշխատանքային ծառայողի՝ ծառայության վայրն ինքնակամ թողնելու վերաբերյալ ՀՀ Քրօրենսգրքի դրույթը փոփոխվում է. ՀՔԱՎ-ն առաջարկներ է ներկայացրել
19.02.2018 | 15:38
Երբ որևէ պետական մարմին  է սխալվում,  ես անգամ մի հատ գլխին կտցնելու կամ բլդուղ անելու հնարավորություն չունեմ. Սերգեյ Դանիելյան
19.02.2018 | 15:27
«Մեր մայրաքաղաքը կարմրել է»․ Մովսես Արիստակեսյանը՝ կարմիր գծանշումների մասին
19.02.2018 | 15:15
Ազատ ստեղծագործելու և արգելքների սահմանագծին․ հայաստանյան գրաքննության առանձնահատկությունները
19.02.2018 | 14:52
Մինչև 2022 թ. մենք պարտավոր ենք կիրառել համընդհանուր ներառական կրթություն. ԿԳ նախարար
19.02.2018 | 14:32
Հայաստանի տարածքում «քուրդ ահաբեկիչներ» չեն որոնվում և չեն հետապնդվում. ԱԱԾ. aysor.am
19.02.2018 | 14:24
Օղու արտադրության պետական տուրքը մինչև 10 միլիոն դրամ չի դառնա․ Գյուղնախարարության պարզաբանումը
Բոլորը

2015թ. դեկտեմբերի 6-ի Հայաստանի Հանրապետության Սահմանադրությանփոփոխությունների համաձայն՝Հանրապետության նախագահը պետության գլուխն է և հետևում էՀՀ Սահմանադրության պահպանմանը:

Հանրապետության նախագահն իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով: ՀՀ նախագահն իր գործառույթներն իրականացնում է Սահմանադրությամբ սահմանված լիազորությունների միջոցով (ՀՀ Սահմանադրություն, հոդված 123):

Որպես ՀՀ նախագահի թեկնածու, Հայաստանի հանրապետական կուսակցության նախագահ Սերժ Սարգսյանն առաջադրել է Մեծ Բրիտանիայի և Հյուսիսային Իռլանդիայի Թագավորությունում ՀՀ արտակարգ և լիազոր դեսպան Արմեն Սարգսյանին: Թեկնածուի վերաբերյալ զանգվածային լրատվամիջոցներում շրջանառվող տեղեկատվության իսկության պարագայում, վերջինս չի համապատասխանում հանրապետության Նախագահին՝ Սահմանադրությամբ ներկայացվող պահանջներին, ուստիև չի կարող ծառայել որպես Հայաստանի Հանրապետության գլուխ և պահպանել ՀՀ Սահմանադրությունը:

Մասնավորապես, ՀՀ Սահմանադրության համաձայն՝ Հայաստանի Հանրապետության նախագահ կարող է ընտրվել քառասուն տարին լրացած, վերջին վեց տարում միայն Հայաստանի Հանրապետության քաղաքացի հանդիսացող, վերջին վեց տարում Հայաստանի Հանրապետությունում մշտապես բնակվող, ընտրական իրավունք ունեցող և հայերենին տիրապետող յուրաքանչյուր ոք:

Ըստ հետաքննող լրագրողների ցանցի բացահայտումների, բրիտանական ընկերությունների Companies House ռեգիստրին իր ընկերության կողմից ներկայացված հաշվետվության համաձայն՝ Արմեն Սարգսյանը դեռևս 2014 թվականի հունիսին եղել է Մեծ Բրիտանիայի քաղաքացի: Այսինքն, նրա թեկնածության պարագայում չի ապահովվում վերջին վեց տարում միայն Հայաստանի Հանրապետության քաղաքացի լինելու պահանջը:

Արմեն Սարգսյանի անվան հետ են կապվում բազմաթիվ բիզնեսներ, թեև նա, լինելով Մեծ Բրիտանիայի և Հյուսիսային Իռլանդիայի Թագավորությունում ՀՀ արտակարգ և լիազոր դեսպան, «Հանրային ծառայության մասին» ՀՀ օրենքի համաձայն իրավունք չուներ զբաղվել ձեռնարկատիրական գործունեությամբ: Առկա չէ պաշտոնական տեղեկատվություն այն մասին, որ նա իր բիզնեսները կամ դրանցում ունեցած մասնակցությունը (բաժնեմաս, բաժնետոմս, փայ) հանձնել է հավատարմագրային կառավարման՝ ապահովելու օրենքի պահանջի կատարումը։

«Հանրային ծառայության մասին» ՀՀ օրենքի համաձայն՝ բարձրաստիճան պաշտոնատար անձինք պաշտոնը ստանձնելիս և հետագայում՝ տարեկան պարբերականությամբ, պարտավոր են Բարձրաստիճան պաշտոնատար անձանց էթիկայի հանձնաժողով ներկայացնել գույքի և եկամուտների հայտարարագիր: ՀՀ արտակարգ և լիազոր դեսպան Արմեն Սարգսյանը, հանդիսանալով բարձրաստիճան պաշտոնատար անձ, չի ներկայացրել 2013 թվականի գույքի և եկամուտների տարեկան հայտարարագիր, իսկ ներկայացված մյուս տարեկան հայտարարագրերում բացակայում է եկամուտների հայտարարագրումը ինչպես իր, այնպես էլ կնոջ կողմից։ Մինչդեռ ակնհայտ է, որ նա ունեցել է եկամուտ, առնվազն, դիվանագիտական ներկայացուցչի աշխատավարձի, ինչպես նաև տարբեր բիզնեսներից ստացված շահույթի տեսքով։

Հաշվի առնելով վերոգրյալը և կարևորելով Հայաստանի Հանրապետության նախագահի ինստիտուտի հանդեպ հանրության վստահությունը, գտնում ենք, որ նախագահի թեկնածուն պարտավոր է փարատել հանրության կասկածները իր ոչ օրինավոր վարքագծի հետ կապված՝ ներկայացնելով հիմնավոր և փաստարկված հերքումներ։ Այլապես, Սահմանադրության ապագա երաշխավորը, դեռևս պաշտոնը չստանձնած, արդեն իսկ հայտնվում է Սահմանադրությունը խախտողի կարգավիճակում։

վերոնշյալի հիման վրա պահանջում ենք Արմեն Սարգսյանից սեղմ ժամկետներում հրապարակային ներկայացնել՝

պաշտոնական տեղեկանք՝ հավաստելու իր՝ Մեծ Բրիտանիայի քաղաքացիությունը դադարեցնելու պահը.

պաշտոնական տեղեկանք՝ իր բիզնեսները հավատարմագրային կառավարման հանձնելու մասին.

իր և իր կնոջ (այդ թվում՝ բիզնեսներից ստացված) եկամուտները, ինչպես նաև՝ հիմնավորում, թե որն է եղել դրանք 2013թ.-ից մինչ օրս չհայտարարագրելու պատճառը:

Թրանսփարենսի Ինթերնեշնլ հակակոռուպցիոն կենտրոն

Հելսինկյան քաղաքացիական ասամբլեայի Վանաձորի գրասենյակ

Ժուռնալիստների «Ասպարեզ» ակումբ

Հայաստանի հելսինկյան կոմիտե

Կանանց ռեսուրսային կենտրոն

Իրազեկ քաղաքացիների միավորում

«Իրավունքների պաշտպանություն առանց սահմանների» ՀԿ

Հանրային լրագրության ակումբ