Հայտնի է Հայաստանի հավաքականի վերջնական հայտացուցակը Կիպրոսի դեմ խաղում 

Հայտնի է ֆուտբոլի Հայաստանի ազգային հավաքականի վերջնական հայտացուցակը Կիպրոսի հավաքականի դեմ Ազգերի լիգայի խմբային փուլի նախավերջին տուրի խաղում:

Հավաքին մասնակցող ֆուտբոլիստներից հայտացուցակում տեղ չեն գտել դարպասապահ Գոռ Մատինյանը («Սարդարապատ»), պաշտպաններ Արման Ղազարյանը («Ուրարտու»), Խարիտոն Այվազյանը («Ուրարտու»), կիսապաշտպան Կարեն Նալբանդյանը («Ալաշկերտ») և հարձակվող Արթուր Միրանյանը («Իրոնի Տիբերիաս», Իսրայել):

Հայաստանի հավաքականի հայտացուցակը

Դարպասապահներ

Օգնյեն Չանչարևիչ – ԻՄՏ «Բելգրադ» (Սերբիա)

Արսեն Բեգլարյան – «Ալաշկերտ»

Ալեքսանդր Միշիև – «Ուրարտու»

Պաշտպաններ

Արտյոմ Բանդիկյան – «ԲԿՄԱ Մոսկվա» (Ռուսաստան)

Էրիկ Փիլոյան – «Ուրարտու»

Գեորգի Հարությունյան – «Պուշկաշ Ակադեմիա» (Հունգարիա)

Ստյոպա Մկրտչյան – «Նյուրնբերգ» (Գերմանիա)

Արգիշտի Պետրոսյան – ԲԿՄԱ

Էդգար Գրիգորյան – «Արարատ-Արմենիա»

Նաիր Թիկնիզյան – «Օլիմպիակոս» (Հունաստան)

Կիսապաշտպաններ

Ուգոչուկվու Իվու – «Ռուբին» (Ռուսաստան)

Էդգար Սևիկյան – «Սեուտա» (Իսպանիա)

Կառլեն Հովհաննիսյան – «Ակրոն» (Ռուսաստան)

Արթուր Սերոբյան – «Արարատ-Արմենիա»

Էդգար Փիլոյան – «Ալաշկերտ»

Հովհաննես Հարությունյան – «Փյունիկ»

Գոռ Մանվելյան – «Նոա»

Կարեն Մուրադյան – «Արարատ-Արմենիա»

Նարեկ Գրիգորյան – «Ֆարուլ» (Ռումինիա)

Նարեկ Հովհաննիսյան – «Լեխիա» Գդանսկ (Լեհաստան)

Հարձակվողներ

Ժիրայր Շաղոյան – «Արարատ-Արմենիա»

Արթուր Ղարիբյան – «Ռոդինա» (Ռուսաստան)

Հրանտ-Լեոն Ռանոս – «Տեներիֆե» (Իսպանիա)

Հայաստան – Կիպրոս հանդիպումը կկայանա նոյեմբերի 12-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 21:00-ին: Չորրորդ տուրից հետո C լիգայի երկրորդ խմբի առաջատարը Չեռնոգորիայի հավաքականն է, որն ունի 10 միավոր: Կիպրոսը վաստակել է 7 միավոր, Հայաստանը՝ 4, իսկ Լատվիան՝ 1:

Դավիթ Եղիազարյան