Նիկոլ Փաշինյանը տեղեկանալով Մաշտոցի պողոտայից բերման ենթարկվածների մասին, մոտեցավ ոստիկաններին ու հարցրեց՝ «Խի՞ եք տարել: Սերժը մեր ու ձեր հայրենիքը սարքում ա Ադրբեջան, հասկանո՞ւմ եք ինչ ա տեղի ունենում: Մենք դա թույլ չենք տալու, ուզում եք հանեք խփեք, կրակեք, կտրտեք չենք թողնելու մենք դա, չենք թողնելու տղե՛րք, ու մենք ձեր նկատմամբ ոչ մի ագրեսիվություն չունենք»:   …

Առավոտ վաղ, երբ դեռ մարդաշատ չէր Մաշտոցի պողոտան, ոստիկանները սկսեցին հավաքված ցուցարարներին բերման ենթարկել: Հավաքի մասնակիցներից մի կին, որին հրմշտում էր ոստիկանը՝ ասաց. «Ես ուղղակի սովորեցնում եմ, որ ձեռքով են ասում դուրս արի, ոչ թե փորով»:

Րոպեներ առաջ Բաղրամյան պողոտայի սկզբնամասում վիճաբանություն է ծագել նախնական տվյալներով՝ անսթափ քաղաքացիների միջեւ, ինչի արդյունքում քաղաքացիներից մեկը վնասվածք է ստացել։ Կարճ ժամանակ անց Ֆրանսիայի հրապարակից քաղաքացիները վազելով հասել են Բաղրամյան պողոտայի սկզբնամաս։ Րոպեների ընթացքում ժամանել է Շտապօգնության մեքենան եւ օգնություն ցուցաբերել քաղաքացուն։ /Cm7l7zUyQfQ

Րոպեներ առաջ Բաղրամյան պողոտայի կողմից բղավոցներ եւ աղմուկ հնչեց, ինչի վրա բազմաթիվ քաղաքացիներ Ֆրանսիայի հրապարակից վազեցին Բաղրամյան պողոտա՝ մտածելով, թե այնտեղ կուտակված ոստիկաններն են դիմում գործողությունների։ Տեղում, սակայն, պարզվեց, որ ոչ սթափ վիճակում գտնվող մի քանի քաղաքացիների միջեւ վիճաբանություն է բռնկվել, որը կարճ ժամանակ անց հարթվեց։

Միջազգային մամուլը բավական տարբերվող գնահատականներով է անդրադարձել է այս օրերի երևանյան իրադարձություններին․ խոսքը ռուսական ու Արևմտյան մամուլի անդրադարձի մասին է։ Ռուսական ընդդիմադիր «Ռոսբալտը», օրինակ, գրում է․ «Ռուսաստանn օգնեց Սարգսյանին, որ իրեն փոխարինի իրենով: Հայաստանի՝ ոչ այնքան լայն աջակցություն ունեցող նախկին նախագահը վաղը կդառնա երկրի վարչապետ: Սերժ Սարգսյանը, որին Հայաստանի Սահմանադրությունը թույլ չի տալիս առաջադրվել նախագահության …

«Ընդդիմությունը կարողանում է լիովին խաղաղ անհնազանդության տարրեր ունեցող գործողություններ անել, որոնք, բնականաբար, պիտի անհանգստություն պատճառեն մյուս քաղաքացիներին, ինչպես նաև՝ պետությանը»,- Factor.am-ի հետ զրույցում ասաց փաստաբան Երվանդ Վարոսյանը։ Ինչ վերաբերվում է ոստիկանության գործողություններին, հաշվի առնելով, որ հավաքները կրում են խաղաղ բնույթ, ըստ փաստաբանի, մինչև այսօր ոստիկանության գործողություններն ադեկվատ էին։ «Երբ հավաքի մասնակիցները մյուս քաղաքացիների տեղաշարժման համար …