Մեր տեղեկություններով՝ քիչ անց նախագահական նստավայրում պետք է հանդիպեն  ՀՀ վարչապետ Սերժ Սարգսյանը, ՀՀ նախագահ Արմեն Սարգսյանը, կաթողիկոս Գարեգին Բ-ն և Արցախի նախագահ Բակո Սահակյանը: Մանրամասներն ավելի ուշ:

Երևանում ընթացող երթին են միացել մեծ թվով զինվորական հագուստով մարդիկ: Արդյոք նրանք ԶՈւ ծառայողներ են, թե դասալիքներ, չհաջողվեց պարզել: ՀՀ ՊՆ մամուլի խոսնակ Արծրուն Հովհաննիսյանը խոստացավ պարզաբանում հրապարակել:

Հայտնի տնտեսագետ, «Հայոց արծիվներ» շախմատային թիմի հիմնադիր  և ավագ Արտակ Մանուկյանը հրապարակել է ՀՀ շախմատի ֆեդերացիայի նախագահ Սերժ Սարգսյանին ուղղված բաց նամակ, որին միացել են հայազգի 25 շախմատիստներ:  

ՀՀ ՊՆ-ն այսօր սահմանափակ թվով լրատվամիջոցների ասուլիսի էր հրավիրել: Պաշտպանության նախարար Վիգեն Սարգսյանը լրագրողներին դիմելով, ասաց. «Հաշվի առնելով Երևանում տեղի ունեցող իրադարձությունները, նաև ՊՆ-ի հաղորդագրությունները, մտածեցի, որ հարցեր կունենաք և չեմ ուզում ներածական երկար խոսք ասել, առաջարկում եմ անցնել ձեր հարցերին»: Հարցին՝ ի՞նչ գնահատական եք տալիս այն փաստին, որ ԱԺ պատգամավոր է ձերբակալվել, և նրա գտնվելու …

Իրավապաշտպանների թեժ գծին ահազանգ է ստացվել, որ Հրազդանի 12-րդ ավագ դպրոցի աշակերտները դասադուլ են հայտարարել, սակայն տնօրենը թույլ չի տալիս դուրս գալ դպրոցից: Բազմամարդ ցույցեր են նաև Վանաձորում. դասադուլ և գործադուլ է հայտարարված:

«Հայփոստի» Տիգրան Մեծի մասնաճյուղի աշխատակիցները գործադուլ են հայտարարել ու միացել երթին: «Չենք վախենում, որ կարող են աշխատանքից հեռացնել: Իսկ թե պիտի հեռացնեն, որ գաղափարով միանում ենք ժողովրդին, թող հեռացնեն»,- ասաց աշխատակիցներից մեկը:   Մանրամասները՝ տեսանյությում:

Նիկոլ Փաշինյանի փաստաբան Ռուստամ Բադասյանը ֆեյսբուքի իր էջում արված գրառմամբ տեղեկացնորմ է, որ Նիկոլ Փաշինյանը Սևանի բաժնում չէ: «Նիկոլ Փաշինյանը Սևանի բաժնում չի, քննիչը հեռախոսով հաստատում է տեղեկությունը, բաժին եմ հասնում, բաժնում ասում են օրվա ընթացքում եղել է, հիմա այստեղ չէ: Ուր է հարցին պատասխան չունեն: Ով է տարել, չկա պատասխան և այդպես շարունակ: Սա …