ՀՀ քննչական կոմիտեի Երևան քաղաքի քննչական վարչությունում քննվող քրեական գործով ձեռնարկված քննչական գործողությունների արդյունքում պարզվել են մարտի 10-ին Երևանում հետիոտն Մարիա Գրիգորյանին վրաերթի ենթարկելու դեպքի իրական հանգամանքները: «Մերսեդես-Բենց» մակնիշի ավտոմեքենայի ղեկին գտնված վարորդը ձերբակալվել է: Ավելի վաղ տեղեկացրել ենք, որ 2018թ. մարտի 10-ին՝ ժամը 21:15-ի սահմաններում, Երևան քաղաքի Վազգեն Սարգսյան փողոցում՝ Կենտրոնական բանկի դիմաց, «Մերսեդես-Բենց» …

Լիբանան կատարած պաշտոնական այցի երկրորդ օրը՝ մարտի 13-ին, վարչապետ Կարեն Կարապետյանն այցելել է Լիբանանի մայրաքաղաք Բեյրութում գործող հայկական հոգևոր և կրթամշակութային օջախներ:  Կառավարության ղեկավարը նախ եղել է Հայկազյան համալսարանում, հանդիպել պրոֆեսորադասախոսական անձնակազմի և ուսանողների հետ: Համալսարանի շենքում շրջայցի ընթացքում ռեկտոր Փոլ Հայդոստյանը ՀՀ վարչապետին ծանոթացրել է ուսումնական հաստատության գործունեությանը և կրթական ծրագրերին, ինչպես նաև ներկայացրել …

Մարտի 13-ին ՀՀ ԱՆ «Արմավիր» քրեակատարողական հիմնարկի աշխատակիցները իրացնելով օպերատիվ տվյալները կանխել են նախապես ծրագրված և նախապատրաստված փախուստի փորձ՚ տեղեկացնում է ՀՀ ԱՆ ՔԿՎ հանրային կապերի բաժին Քրեակատարողական հիմնարկի N մասնաշենքի երկրորդ հարկի խցերից մեկում պատիժը կրող երկու դատապարտված անձինք խցի ճաղավանդակը կտրելու միջոցով փորձել են դիմել փախուստի: Կատարվում է հետաքննություն:  

«Մեզնից յուրաքանչյուրը պիտի որոշի՝ ինքը քայլ անո՞ւմ է, թե՞ չի անում: Ես իմ քայլն անելու եմ»,- Factor.am-ի հետ զրույցում հայտարարեց ԱԺ «Ելք» խմբակցության ղեկավար Նիկոլ Փաշինյանը՝ անդրադառնալով Սերժ Սարգսյանի վարչապետի պատշտոնի ստանձնման դեմ պայքարի տարբերակների շուրջ «Ելք» դաշինքում առկա տարաձայնություններին: Փաշինյանը տեղեկացրեց՝ «Քաղաքացիական պայմանագիր» կուսակցության առաջարկած ճանապարհային քարտեզի շուրջ դաշինքում քննարկումները դեռևս շարունակվում են: «Ելք» …

Ազատությունից զրկման վայր, մասնավորապես՝ քրեակատարողական հիմնարկ լրագրողի մուտքի իրավունքի և պետական իրավասու մարմնի կողմից լրագրողի մուտքի թույլտվության կամ մերժման հարցերի իրավական ուսումնասիրության արդյունքում Մարդու իրավունքների պաշտպանի աշխատակազմում մշակվել են հստակ իրավական չափանիշներ, որոնք, Պաշտպանի համոզմամբ, պետք է կիրառելի լինեն քրեակատարողական հիմնարկ լրագրողի մուտքի հարցը որոշելիս:   Իրավական վերլուծությունն ու դրա արդյունքում ձևավորված չափանիշներն ամբողջությամբ՝ այստեղ:

Շենգավիթ վարչական շրջանի ընդհանուր իրավասության դատարանում դատավոր Մեսրոպ Մակյանի նախագահությամբ շարունակվում է «Սասնա ծռեր» խմբի տասը անդամների գործով հերթական դատական նիստը: Մեղադրողը շարունակում է հրապարակել գործում առկա գրավոր ապացույցները: Դատավորը նիստի մեկնարկին չթույլատրեց նիստերի դահլիճ վերադառնալ ամբաստանյալ Գագիկ Եղիազարյանին, որի նկատմամբ 20 ժամով նիստերի դահլիճից հեռացնելու սանկցիա էր կիրառվել: Այսօրվա նիստում լրացան Արայիկ Խանդոյանի և …

Դանիայի ԱԳ նախարար Անդերս Սամուելսենի հրավերով Հայաստանի արտգործնախարար Էդվարդ Նալբանդյանը մարտի 14-ին պաշտոնական այց կկատարի Կոպենհագեն։ Այս մասին հայտնում են ՀՀ ԱԳՆ լրատվական ծառայությունից։ Այցելության ընթացքում նախատեսված են Էդվարդ Նալբանդյանի հանդիպումները Դանիայի գործադիր և օրենսդիր իշխանությունների բարձրաստիճան ներկայացուցիչների հետ։ Հայաստանի արտաքին քաղաքական գերատեսչության ղեկավարը կհանդիպի Արտաքին քաղաքականության դանիական ընկերակցության ներկայացուցիչների հետ։

Մարտի 15-ին, Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը հրադադարի ռեժիմի պլանային դիտարկում է անցկացնելու Արցախի և Ադրբեջանի զինված ուժերի շփման գծում՝ Մարտունու շրջանի Կուրոպատկինո բնակավայրից դեպի հարավ-արևելք։ Այդ մասին տեղեկացնում է Արցախի արտգործնախարարության մամուլի ծառայությունից։ Արցախի Հանրապետության պաշտպանության բանակի դիրքերից դիտարկումն իրականացնելու են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ …

 76 տարեկանում կյանքից հեռացել է բրիտանացի ֆիզիկոս Սթիվեն Հոքինգը. այս մասին հաղորդել է The Guardian-ը՝ հղում անելով նրա ընտանիքի հայտարարությանը. փոխանցում է tass.ru-ն: «Նա մեծ գիտնական էր ու արտասովոր մարդ, որի աշխատանքն ու ժառանգությունը դեռ երկար տարիներ կապրեն: Մենք կկարոտենք նրան», – ասել են գիտնականի զավակները՝ Ռոբերտը, Թիմաթին ու Լյուսին:   Սթիվեն Հոքինգը նաև բազմաթիվ գիտական աշխատությունների հեղինակ …

Դոնալդ Թրամփը հայտարարել է, որ ԱՄՆ-ում հնարավոր է զորքի նոր տեսակ հայտնվի՝ տիեզերական զորքեր, հայտնում է ria.ru-ն: «Տիեզերքի վերաբերյալ ազգային իմ նոր ռազմավարությունն ընդունում է, որ տիեզերքում, ինչպես ցամաքում, օդում ու ջրում, կարող են իրականացվել ռազմական գործողություններ»,- ասել է ԱՄՆ առաջնորդը: Նրա խոսքով՝ գաղափարը սկզբում լուրջ չի ընդունել, բայց հետո համոզվել է, որ հիանալի գաղափար է: …