28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ինչու՞ «Իմ քայլ»-ում չցանկացան Ծառուկյանի հարցով էթիկայի հանձնաժողով ստեղծել
Քաղաքականություն
07.05.2019 | 19:04
Ազգային ժողովի «Իմ քայլը» խմբակցության՝ երեկ կայացած փակ նիստում բավականին զգուշավորությամբ են քննարկել ԲՀԿ ղեկավար Գագիկ Ծառուկյանի հարցով էթիկայի հանձնաժողով ստեղծել-չստեղծելու հարցը:
Այսօր խորհրդարանում լրագրողների հետ զրույցում «Իմ քայլը» խմբակցության ղեկավար Լիլիթ Մակունցը հայտարարել էր, որ այս պահին նպատակահարմար չեն համարում էթիկայի հանձնաժողով ստեղծելը:
Նա նաեւ ասել էր, որ նպատակահարմար են համարում իրավապահ մարմինների եզրակացությանը սպասելը: «Խմբակցությունում եղավ քննարկում և հանգեցինք այն եզրակացությանը, որ այս պահին մեզ համար կարևոր է սպասել իրավապահ մարմինների եզրակացությանը»,- մանրամասնել էր Լիլիթ Մակունցը:
Factor.am-ին հայտնի դարձավ, որ խմբակցության փակ նիստում կարծքիներ են հնչել, թե եթե Գագիկ Ծառուկյանի գործարար լինել-չլինելու հարցը քննարկող հանձնաժողով ստեղծվի, ապա կարող են կասկածի տակ դրվել նոր իշխանությունների օրոք անցկացված ազատ, արդար եւ թափանցիկ ընտրությունների արդյունքները:
Եվ հետո, նիստում ներկաներից հիշեցրել են Նիկոլ Փաշինյանի հայտարարությունն առ այն, որ Գագիկ Ծառուկյանը խոշոր սեփականատեր է:
Թեմայի շուրջ Factor.am-ը մեկնաբանություն խնդրեց «Իմ քայլը» խմբակցության պատգամավոր Վիկտոր Ենգիբարյանից:
Վերջինս մեզ հետ զրույցում նշեց, որ խմբակցությունn իր որոշումը կայացրել է ԱԺ նախագահի հայտարարության հիման վրա:
Նարեկ Կիրակոսյան
