Լուրեր

12 Մարտ 2019 | 21:52 Բերդում 2 քաղաքացիների վիճաբանությունն ավարտվել է դանակահարությամբ

Մարտի 11-ին՝ ժամը 23.30-ին, հիվանդանոցից ոստիկանության Տավուշի բաժին հաղորդում է ստացվել, որ «կրծքավանդակի և որովայնի ձախ կեսի բազմաթիվ կտրած-ծակած վերքեր, ձախ ակնակապճի շրջանի սալջարդ, ձախ հոնքի շրջանի պատռված վերք» վնասվածքներով բուժօգնության է տեղափոխվել 1980 թ. ծնված Արթուր Ա.-ն: Այդ մասին հայտնում է ՀՀ ոստիկանությունը։ Մեկնած օպերատիվ խումբը պարզել է, որ նույն օրը՝ ժամը 22.30-ի սահմանում, …

12 Մարտ 2019 | 21:37 «Ադրբեջանը կեղծում է պատմությունը և շրջանառության մեջ է դնում հակահայկական քարոզչությունը»․ դեսպան Վիկտորյա Բաղդասարյանի հոդվածը La Verita օրաթերթում

Ստորև ներկայացնում ենք դեսպան Վիկտորյա Բաղդասարյանի La Verita օրաթերթում տպագրված հոդված Լեռնային Ղարաբաղի խնդիրը սկիզբ է առել ԽՍՀՄ գոյության վերջին տարիներին Լեռնային Ղարաբաղի հայերի նկատմամբ Ադրբեջանի կողմից ուժային քաղաքականություն որդեգրելու արդյունքում՝ Լեռնային Ղարաբաղի ժողովրդի ինքնորոշման իրավունքի իրացմանն ի պատասխան։ Ադրբեջանի իշխանությունները Լեռնային Ղարաբաղի հայերի խաղաղ ցույցերին արձագանքեցին ադրբեջանական քաղաքների հայ բնակչության դեմ կազմակերպված բռնություններով: Յուրաքանչյուր …

12 Մարտ 2019 | 21:23 Արմեն Սարգսյանը ցավակցական հեռագիր է հղել Եթովպիայի նախագահին

Հանրապետության նախագահ Արմեն Սարգսյանը ցավակցական հեռագիր է հղել Եթովպիայի Դաշնային Ժողովրդավարական Հանրապետության նախագահ տիկին Սահլե-Վորկ Զեուդեին՝ Ադիս Աբեբայում օդանավի կործանման կապակցությամբ: Հեռագրում, մասնավորապես, ասված է. «Մեծ ցավով տեղեկացա մարտի 10-ին Ադիս Աբեբայից Նայրոբի մեկնող օդանավի կործանման մասին։ Այս ծանր պահին Ձեզ եմ հղում իմ խորին ցավակցությունն ու զորակցությունը, իսկ զոհվածների ընտանիքներին և հարազատներին մաղթում ուժ …

12 Մարտ 2019 | 21:10 Քոչարյանի կալանքի միջնորդությունը կքննարկվի մարտի 13-ին

ՀՔԾ-ն նոր միջնորդություն է ներկայացրել Ռոբերտ Քոչարյանի խափանման միջոց կալանավորման ժամկետը երկարացնելու վերաբերյալ։ Հատուկ քննչական ծառայությունը միջնորդություն է ներկայացրել ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամկետով երկարացնելու վերաբերյալ: Միջնորդությունը կքննվի մարտի 13-ին՝ ժամը 12:30 -ին, Երևան քաղաքի ընդհանուր իրավասության դատարանում՝ դատավոր Արմեն Բեկթաշյանի նախագահությամբ: Հիշեցնենք, որ 18.01.2019թ․ առաջին …

12 Մարտ 2019 | 20:55 Դեսպան Կարեն Գրիգորյանը հավատարմագրերն է հանձնել Եգիպտոսի նախագահ Աբդել Ֆաթթահ Ալ Սիսիին

Եգիպտոսում ՀՀ դեսպան Կարեն Գրիգորյանը մարտի 12-ին իր հավատարմագրերն է հանձնել Եգիպտոսի Արաբական Հանրապետության նախագահ Աբդել Ֆաթթահ Ալ Սիսիին։ Ինչպես տեղեկացրին ՀՀ արտաքին գործերի նախարարության լրատվության և հանրային դիվանագիտության վարչությունից, կարճատև զրույցի ընթացքում ՀՀ դեսպանը նախագահ Ալ Սիսիին փոխանցել է ՀՀ նախագահ Արմեն Սարգսյանի ջերմ ողջույններն ու բարեմաղթանքները, ինչպես նաև՝ Հայաստանում հյուրընկալելու պատրաստակամությունը։ Շնորհավորելով ՀՀ դեսպանին …

12 Մարտ 2019 | 20:42 Ի՞նչ հարցեր է քննարկելու Սալոմե Զուրաբիշվիլին հայաստանյան հանդիպումների ընթացքում

Վրաստանի նախագահ Սալոմե Զուրաբիշվիլին Հայաստան կատարելիք առաջին պաշտոնական այցի ընթացքում կարող է բարձրացնել հայ-վրացական սահմանի սահմանազատման հարցը: «Սպուտնիկ Գրուզիա»-ին այս մասին ասել է Հայաստանում Վրաստանի առաջին դեսպան, Սամցխե Ջավախքի նախկին նահանգապետ Գիգլա Բարամիձեն: Զուրաբիշվիլին, հիշեցնենք, Հայաստան կժամանի վաղը՝ մարտի 13-ին: Սա պետության ղեկավարի պաշտոնում նրա առաջին այցն է Երևան: Մինչ այդ, նա եղել է նաև …

12 Մարտ 2019 | 20:30 Արմեն Սարգսյանը ստորագրել է սահմանված կարգի խախտմամբ պարտադիր զինվորական ծառայություն չանցած քաղաքացիներին առնչվող օրենքը

ՀՀ նախագահ Արմեն Սարգսյանը մարտի 11-ին ստորագրել է «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքը։ Այս մասին տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից։

12 Մարտ 2019 | 20:24 Վարչապետը գնդակն ուղարկում է Ադրբեջանի դաշտ՝ դուք պատրա՞ստ եք ճանաչել Ղարաբաղի անկախությունը. Արմեն Վարդանյան

Հայաստանի և Արցախի Անվտանգության խորհուրդների այսօրվա նիստում վարչապետ Նիկոլ Փաշինյանը հայտարարել է, որ Արցախի հարցով առաջիկա բանակցային գործընթացի կարևորագույն նպատակը պետք է լինի, այսպես ասած, հիմնական հասկացությունների՝ 3 սկզբունքների և 6 տարրերի պարզաբանումը, և Հայաստանը պատրաստ է այդպիսի խոսակցության: Factor.am-ի հետ զրույցում մեկնաբանելով վարչապետի խոսքը՝ քաղաքագետ Արմեն Վարդանյանն ասաց, որ Ադրբեջանը միշտ յուրովի է մեկնաբանել …

12 Մարտ 2019 | 20:22 Բժշկականի ղեկավարներին կաշառք առաջարկած անձը ներկայացել է ոստիկանություն

Օրեր առաջ տեսանյութ էինք հրապարակել, որտեղ երևացող երիտասարդը Երևանի Մխիթար Հերացու անվան պետական բժշկական համալսարանի հաղորդման հիման վրա նախապատրաստված նյութերով, որոնվում էր համալսարանի ղեկավար անձանց կաշառք առաջարկելու համար: Մարտի 11-ին, տեսագրությունում երևացող քաղաքացին ներկայացել է ոստիկանության կազմակերպված հանցավորության դեմ պայքարի գլխավոր վարչություն: Քննությունը շարունակվում է:

12 Մարտ 2019 | 20:18 Աղասի Կիրակոսյանն ազատվել է Ոստիկանության պետի տեղակալի պաշտոնից

ՀՀ նախագահ Արմեն Սարգսյանն, ընդունելով ՀՀ վարչապետի առաջարկությունը, հրամանագիր է ստորագրել Աղասի Կիրակոսյանին Ոստիկանության պետի տեղակալի պաշտոնից և Ոստիկանությունում ծառայությունից ազատելու մասին։ Հայաստանի Հանրապետության նախագահի աշխատակազմի հասարակայնության հետ կապերի վարչությունից հայտնում են` հրամանագրում նշված է. «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև Ոստիկանությունում ծառայության մասին Հայաստանի Հանրապետության օրենքի 13-րդ …