18.10.2026 | 14:00
Ֆրանսիայում բողոքի ցույցեր են․ կես միլիոնից ավելի մասնակից, ավելի քան 1200 ձերբակալված
Դեսպանությունների աշխատանքից դժգոհություն կա. Սերգեյ Բագրատյանը՝ Զոհրաբ Մնացականյանին. ՏԵՍԱՆՅՈՒԹ
Քաղաքականություն
06.06.2019 | 12:10
ԱԺ մշտական հանձնաժողովների համատեղ նիստում շարունակվում են «ՀՀ 2018թ. պետական բյուջեի կատարման մասին» տարեկան հաշվետվության քննարկումները։ Այսօր խորհրդարան է ներկայացել ՀՀ արտաքին գործերի նախարար Զոհրաբ Մնացականյանը։
«Բարգավաճ Հայաստան» խմբակցության պատգամավոր Սերգեյ Բագրատյանը նախարարին փոխանցեց, որ տարբեր երկրներում Հայաստանի դեսպանությունների աշխատանքից դժգոհություններ կան։ «Ես չեմ տեսնում որևէ դեսպանատուն, որը տվյալ երկրում հայ համայնքին կրթական ծրագրեր առաջարկի և այլն… Հաճախ դեսպանատներին նայում են որպես տնտեսական կցորդներ, տնտեսական ծրագրեր իրականացնողներ, ամենաբարձ մարկարդակով հրահանգներ եմ լսել, որ դեսպանը պարտավոր է տնտեսական ծրագրերով աջակցել երկրին։ Կարող է՝ այդ ժամանակի համար դա ճիշտ է եղել, ես չեմ վիճարկում, բայց ժամանակն է, որ գործառույթների իրականացումն այլևս տեղափոխենք իրական հուն»,- ասաց ԲՀԿ-ական պատգամավորը։
«Երբ Դուք ասում եք՝ ինչո՞վ պիտի զբաղվեն ու ինչո՞վ են զբաղվում դեսպանները, սովորաբար ինձ մոտ պահ է լինում, որ հիշում եմ հայտնի սքեթչը՝ «ուրիշ հերոս չեք ճանաչո՞ւմ»: Կարծես բոլոր հարցերով դեսպաններն ու ԱԳՆ-ն են զբաղվում՝ սկսած քրեականից վերջացրած տնտեսական և մնացած հարցերով։ ԱԳ նախարարությունն ու մեր դեսպանությունները չափազանց կարևոր գործառույթ են իրականացնում՝ ներկայացնել Հայաստանը տվյալ երկրում», – ասաց Մնացականյանը։
Մանրամասները՝ տեսանյութում։
Շողիկ Գալստյան
