Նախագահ Արմեն Սարգսյանը նախաձեռնել է հեռավար զրույցների շարք Հանրապետության մշակութային, գիտակրթական և ակադեմիական հաստատությունների և կառույցների ղեկավարների, մշակույթի գործիչների հետ։ Նախագահը նպատակ ունի քաջալերել նրանց, ծանոթանալ արտակարգ դրության պայմաններում նրանց գործունեությանն ու ապագա ծրագրերին: Այդ համատեքստում Հանրապետության նախագահ Արմեն Սարգսյանն այսօր հեռախոսազրույց է ունեցել Ճարտարապետության ազգային թանգարան-ինստիտուտի տնօրեն Մարկ Գրիգորյանի հետ: Նախագահ Սարգսյանը հետաքրքրվել է …

Հայաստանում արտակարգ դրություն հայտարարելուց անմիջապես հետո Գյումրիում ամենօրյա ռեժիմով հանրային վայրերի ախտահանման աշխատանքներ են իրականացվում: Համապատասխան նյութերով ախտահանվում են հասարակական տրանսպորտը, կանգառները, աղբամանները, փողոցները, նստարանները, շենքերի մուտքերն ու հանրային այլ վայրեր: Աշխատանքներն իրականացնում է «Գյումրու կոմունալ ծառայություն» բյուջետային հիմնարկը։ «Մենք ունեինք մեքենաներ, որոնք վերապրոֆիլավորեցինք, տեխնիկական փոփոխություն կատարեցինք, քլոր ձեռք բերեցինք, և քլորի լուծույթով սկսեցինք  աղբամանները, …

«Աննա Սարդարյանի դիահերձման արդյունքները ցույց են տվել, որ նա մահացել է թոքաբորբից: Մեր ստեղծագործական կոլեկտիվի հանդիպումը նրա հետ վերջին անգամ տեղի է ունեցել մարտի 13-ին: Դրանից հետո խմբերը աշխատանքի չեն գնացել: Մենք Աննայի հիվանդության մասին նույնիսկ տեղյակ չենք եղել: Իմացել ենք միայն մահվան լուրը: Գիտեմ միայն, որ երգչուհին միայնակ էր ապրում»,-Factor.am-ի հետ զրույցում նշեց Ալ. …

Ոստիկանությունը շարունակում է ապահովել նոր կորոնավիրուսի հնարավոր տարածումը կանխելու նպատակով անձանց ազատ տեղաշարժի սահմանափակումների վերաբերյալ Պարետի որոշման կատարումը։ «Ապրիլի 1-ին, ժամը 9-ից 15-ը, մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելու փաստերով 264 անձի նկատմամբ կազմվել է վարչական իրավախախտման վերաբերյալ արձանագրություն, իսկ Պարետի որոշումն ուժի մեջ մտնելուց հետո մինչև ապրիլի 1-ի ժամը …

Քրեակատարողական հիմնարկներում կան կալանավորներ, որոնք կորոնավիրուսի թեստ են հանձնել, բոլորի դեպքում բացասական է արդյունքը: Այսօր հրավիրված ասուլիսում տեղեկացրեց ՀՀ արդարադատության նախարար Ռուստամ Բադասյանը: «Ոչ մի վարակակիր այս պահին ՔԿՀ-ներում չունենք: Ամեն դեպքում՝ կանխարգելիչ միջոցառումներ իրականացվել են՝ տվյալ դեպքերին արագ արձագանքելու համար»,- նշեց նախարարը: Մանրամասները՝ տեսանյութում:

«Իրազեկ քաղաքացիների միավորում» կազմակերպությունն այսօր մամուլի ասուլիսի ժամանակ ներկայացրեց մարտի 31-ին Արցախում տեղի ունեցած ընտրություններում իրենց դիտորդության արդյունքները։ Կազմակերպության ծրագրերի համակարգող Դանիել Իոաննիսյանն անդրադարձավ ընտրողների կողմից քվեաթերթիկները նկարելու դեպքերին։ «Մի բան է, որ ընտրողը Չակ Նորիսին է քվեարկել, իր քվեաթերթիկը լուսանկարում է, որպեսզի ֆեյսբուքում զվարճանա, մեկ այլ իրավիճակ, երբ դա տեղի է ունենում մասսայական, և …

«Գազպրոմ Արմենիան» առաջարկում է գազի միասնական գին սահմանել՝ ընդհանուր առմամբ գազը թանկացնելով շուրջ 11 տոկոսով։ Ի վերջո, ի՞նչ է առաջարկում ընկերությունը, գազի գինը կնվազի՞, թե՞ կբարձրանա։ Հանրային ծառայությունները կարգավորող հանձնաժողովի (ՀԾԿՀ) սակագնային քաղաքականության վարչության պետ Աշոտ Ուլիխանյանը Factor.am-ի հետ զրույցում նշեց, որ ընկերությունն այս առաջարկով փորձում է, ընդհանուր առմամբ, թանկացնել գազը։ Միջին կշռորդային գինն այս …

Հանրապետության նախագահ Արմեն Սարգսյանը, մարտի 22-ին Իսրայելի Պետության նախագահ Ռեուվեն Ռիվլինի հետ հեռախոսազրույցի ընթացքում ձեռք բերված պայմանավորվածության համաձայն, հեռախոսազրույց է ունեցել Իսրայելի առողջապահության նախարարության միջազգային հարաբերությունների վարչության տնօրեն, COVID 19 հարցերով Իսրայելի համակարգող, դոկտոր Աշեր Շալմոնի հետ։ Դոկտոր Շալմոնը մանրամասն ներկայացրել է կորոնավիրուսի համավարակի հաղթահարման ուղղությամբ Իսրայելում ձեռնարկված քայլերը։ Զրույցի ընթացքում քննարկվել է Իսրայելի կողմից …

Վարակակրի հետ շփում ունեցած անձանց հայտնաբերելու համակարգն ավտոմատացված է, աշխատում է որոշակի բանաձևերի հիման վրա: Այսօր հրավիրված ասուլիսում այս մասին ասաց ՀՀ արդարադատության նախարար Ռուստամ Բադասյանը: «Երբ վարակակրի մասին տվյալները արդեն պարզ կլինեն, ավտոմատացված համակարգի միջոցով կբերվի որոշակի վիճակագրություն՝ շփումների քանակ, տեղակայման և զանգերի համընկնում, պարբերականություն և այլն»,- ասաց նա: Ըստ նախարարի՝ եթե վարակակրի և …