ԱՄՆ պետդեպարտամենտը կարգադրել է հունվարի 24-ից սկսել Ուկրաինայում իր դիվանագետների ընտանիքների տարհանումը։ Այս մասին հայտնում են լրատվամիջոցները՝ վկայակոչելով ամերիկացի պաշտոնյաներին։ «Պետդեպարտամենտը կարգադրել է Ուկրաինայում ԱՄՆ դեսպանատան աշխատակիցների ընտանիքներին տարհանել երկրից երկուշաբթի օրը»,- «ՌԻԱ Նովոստի»-ի փոխանցմամբ՝ գրել է նա Twitter-ի իր էջում: Նրա տվյալներով՝ այդ տեղեկությունը տրամադրել են պաշտոնատար անձինք։

Աֆղանստանի Գերատ նահանգում պայթյուն է որոտացել։ ՏԱՍՍ-ի փոխանցմամբ՝ առնվազն 6 մարդ է զոհվել, 10-ը՝ վիրավորվել: Նախնական տվյալներով՝ Հաջի Աբբաս քաղաքային թաղամասում պայթել է ուղևորատար միկրոավտոբուսը։ Աֆղանստանում իշխանությունը զավթած «Թալիբան» արմատական շարժման տարածաշրջանային ներկայացուցիչները հաստատել են պայթյունի փաստը։

Գերմանիայի ռազմածովային ուժերի ղեկավար, փոխծովակալ Կայ-Ահիմ Շենբախը հայտարարել է, որ Ուկրաինային չի հաջողվի վերադարձնել Ղրիմը։ Корреспондент.net-ի փոխանցմամբ՝ Այս մասին նա ասել է Մանոհար Պարիկարի անվան պաշտպանական հետազոտությունների հնդկական ինստիտուտի համաժողովում։ Նրա խոսքով ՝ ՆԱՏՕ-ին անդամակցելու համար Ուկրաինային անհրաժեշտ է համապատասխանել դաշինքի բոլոր պահանջներին, իսկ այժմ դա անհնար է օկուպացիայի պատճառով: «Ինչ է տեղի ունեցել Ուկրաինայում։ …

Հունվարի 22-ին՝ ժամը 10:43-ին, Սյունիքի մարզային ճգնաժամային կառավարման կենտրոն տեղեկություն է ստացվել, որ Վերին Խոտանան-Տաթև ավտոճանապարհին ավտոմեքենաները մերկասառույցի պատճառով արգելափակվել են: Ինչպես տեղեկացրին ՀՀ ԱԻՆ-ից, դեպքի վայր է մեկնել ԱԻՆ ՓԾ մարզային փրկարարական վարչության Վերին Խոտանանի առաջնային օգնության կետից մեկ մարտական հաշվարկ։ Փրկարարներն արգելափակումից դուրս են բերել 13 բեռնատար ավտոմեքենա:

«Ճանապարհային դեպարտամենտ» հիմնադրամը տեղեկացնում է, որ հունվարի 22-ին՝ ժամը 17։30-ի դրությամբ, Աշտարակի (ասֆալտբետոնե ծածկը բաց է), Ապարանի (ասֆալտբետոնե ծածկը բաց է), Սիսիանի (ասֆալտբետոնե ծածկին առկա է ձյուն), Գորիսի (ասֆալտբետոնե ծածկին հատվածաբար առկա է ձյուն), Մարտունիի ( Մարտունի-Վարդենիս՝ ասֆալտբետոնե ծածկը բաց է), Աշոցքի (ասֆալտբետոնե ծածկին առկա է ձյուն) տարածաշրջանների ավտոճանապարհներին, տեղ-տեղ մերկասառույց է։ Վարդենյաց լեռնանցքը (ասֆալտբետոնե …

Քննարկելով «Քաղաքացիական պայմանագիր» կուսակցության Ամասիա խոշորացված համայնքի ավագանիների՝ Կենտրոնական ընտրական հանձնաժողով ներկայացրած դիմումը՝ թիվ 30 Տարածքային ընտրական հանձնաժողովը որոշել է անփոփոխ թողնել Ամասիայում ավագանու ու համայնքի ղեկավարի ընտրությունների արդյունքները: Ինչպես տեղեկացնում է «Արմենպրես»-ը, ընտրությունների արդյունքներն անվավեր ճանաչելու դիմում ԿԸՀ-ն ստացել էր Ամասիա համայնքում ընտրություններին մասնակցած «Քաղաքացիական պայմանագիր» կուսակցության նախկին ավագանիներից, ԿԸՀ-ն էլ դիմումը ներկայացրել էր …

Հունվարի 21-ին տեղի է ունեցել ՄԱԿ-ի գլխավոր ասամբլեայի լիագումար նիստը, որի ընթացքում գլխավոր քարտուղար Անտոնիո Գուտերեշը ներկայացրել է ՄԱԿ-ի 2021 թ․ գործունեության վերաբերյալ զեկույցը։ Այս մասին հայտնում է ՄԱԿ-ում Հայաստանի մշտական ներկայացուցչությունը։ Հանդիպմանը ելույթով հանդես է եկել ՄԱԿ-ում ՀՀ մշտական ներկայացուցիչ Մհեր Մարգարյանը՝ անդրադառնալով կազմակերպության գործունեությանը և գերակայություններին։ Մհեր Մարգարյանը, մասնավորապես, նշել է, որ բազմակողմանիության …

Երևանի քաղաքապետ Հրաչյա Սարգսյանը հունվարի 17-ին որոշում է ստորագրել Սերգեյ Ներսեսյանին Երևանի քաղաքապետի տեղակալի պաշտոնից ազատելու մասին։ «Ղեկավարվելով աշխատանքային օրենսգրքի 112-րդ հոդվածով, «Երևան քաղաքում տեղական ինքնակառավարման մասին» օրենքի 48-րդ հոդվածի 5-րդ մասով և հիմք ընդունելով Ս. Ներսեսյանի դիմումը՝ 1.Սերգեյ Բորիսի Ներսեսյանին՝ 2022 թվականի հունվարի 17-ից ազատել Երևանի քաղաքապետի տեղակալի պաշտոնից: 2.Հանձնարարել Երևանի քաղաքապետարանի աշխատակազմի ֆինանսական …

«Պատերազմից հետո մեր ժողովրդի հոգեվիճակը վերականգնելու, կայունացնելու ուղղությամբ ոչինչ չի արվում, փոխարենը նրան սնում են բացասական իմպուլսներով: Մինչև հանրությունը չխաղաղվի, չի կարող պարզորոշ դատողություններ անել իր հետ կատարվածի վերաբերյալ: Մեր ներսում պատերազմը շարունակվում է, մինչդեռ հարկավոր էր բալանսի մեջ մնալ»,- Factor TV-ի հետ զրույցում նման տեսակետ է հայտնում երգիչ, երգահան Արտավազդ Բայաթյանը: Նա անդրադառնում է …

«Պաշտոնատար անձանց և, առհասարակ, բոլորին ուզում եմ զգուշացնել, որ լրագրողների նկատմամբ ընդհանրական որակումները ոչ միայն մեծացնում են կարծրատիպերը լրագրողի աշխատանքի նկատմամբ, այլև լուրջ վնասում են ժողովրդավարական և մարդու իրավունքների համակարգին», – անդրադառնալով իշխանական պատգամավոր Վահագն Ալեքսանյանի` ԱԺ ամբիոնից արած արտահայտություններին, ասել է Մարդու իրավունքների պաշտպան Արման Թաթոյանը: Նա նաև նշել է, որ լրագրողների աշխատանքը մեծ …