09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ալիևը հայտարարել է, որ ԵՄ-ն կարևոր դեր ունի Հայաստանի և Ադրբեջանի միջև հարաբերությունների կարգավորման գործում
Քաղաքականություն
25.05.2022 | 13:41
Ադրբեջանի նախագահ Իլհամ Ալիևն այսօր ընդունել է Էստոնիայի խորհրդարանի նախագահ Յուրի Ռատասին։ Տեղական լրատվամիջոցների փոխանցմամբ՝ հանդիպմանն Ալիևը խոսել է նաև մայիսի 22-ին Բրյուսելում Հայաստանի վարչապետի և Ե< Խորհրդի նախագահի հետ կայացած հանդիպումից։
Նշվում է, որ Ալիևը շատ դրական է գնահատել Բրյուսել կատարած իր այցի արդյունքները։
«ԵՄ-ն կարևոր դերակատարում ունի Հայաստանի և Ադրբեջանի միջև հարաբերությունների կարգավորման հարցում»,- ասել է Ադրբեջանի նախագահը։
Նա նաև նշել է Ադրբեջանի և ԵՄ-ի միջև հարաբերությունների կարևորությունը, ընդգծել, որ դրանք բազմակողմ են և, բացի ավանդական էներգետիկայի ոլորտից, ընդգրկում են այլ բնագավառներ։
Հավելենք, որ նախօրեին Էստոնիայի խորհրդարանի նախագահի գլխավորած պատվիրակությունն այցելել էր Արցախի գրավյալ հայկական Շուշի քաղաք։
Էմմա Չոբանյան
