Ադրբեջանի պաշտպանության նախարարությունը կրկին ապատեղեկատվություն է տարածել․ տեղեկացնում են ՀՀ ՊՆ-ից։ «Սեպտեմբերի 11-ի երեկոյան ՀՀ ԶՈՒ ստորաբաժանումները հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ կրակ չեն բացել: Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈւ ստորաբաժանումների լիարժեք վերահսկողության տակ»,- ասված է հաղորդագրությունում։

Մեկնարկել է ԱԺ 8-րդ գումարման 4-րդ նստաշրջանը։ Օրակարգում ընդգրկված է 45 հարց։ Առաջին հարցը Հայաստանի Հանրապետության հարկային օրենսգրքում լրացում կատարելու մասին օրենքի նախագիծն է: Ապա խորհրդարանը կքննարկի 2022 թվականի մարտի 15-ին և մարտի 18-ին Հայաստանի Հանրապետության և Վերակառուցման և զարգացման միջազգային բանկի միջև ստորագրված «Պետական հատվածի արդիականացման չորրորդ ծրագիր» վարկային համաձայնագիրը վավերացնելու մասին նախագիծը, «Ազդարարման …

Կյանքից հեռացել է ՀՀ վաստակավոր արտիստ Վրույր Հարությունյանը: Այս մասին հայտնում են Հայաստանի թատերական գործիչների միությունից: «Խորը ցավով հայտնում ենք, որ կյանքից հեռացել է Հովհաննես Աբելյանի անվան թատրոնի երկարամյա դերասան, ՀՀ վաստակավոր արտիստ Վրույր Հարությունյանը։ Մեր խորին ցավակցություններն ենք հայտնում Վ. Հարությունյանի ընտանիքին, հարազատներին և գործընկերներին»,- նշված է միության ֆեյսբուքյան էջում։ Վրույր Հարությունյանը ծնվել է …

Մեկնարկել է Երևանի քաղաքապետարանի գործակարգավարական նիստը։

ՀՀ նախագահ Վահագն Խաչատուրյանը շնորհավորական ուղերձ է հղել Մեծի Տանն Կիլիկիո Արամ Ա կաթողիկոսին` Եկեղեցիների համաշխարհային խորհրդի նախագահ ընտրվելու առթիվ։ Այս մասին հայտնում են Մեծի Տանն Կիլիկիո կաթողիկոսությունից։ Շնորհավորական ուղերձում ասված է. «Վեհափառ Տեր, Ընդունեք խնդրեմ, իմ անկեղծ և ջերմ շնորհավորանքը Եկեղեցիների համաշխարհային խորհրդի նախագահ ընտրվելու կապակցությամբ։ Բարձր եմ գնահատում Ձեր բազմամյա անձնվեր գործունեությունը Եկեղեցիների …

Բելգրադում ընթացող ըմբշամարտի աշխարհի առաջնության 77 կգ քաշային կարգի բրոնզե մեդալի համար գոտեմարտում Մալխաս Ամոյանը 7:1 հաշվով գեղեցիկ հաղթանակ տարավ աշխարհի նախկին չեմպիոն, սերբ Նեմեշի նկատմամբ և նվաճեց բրոնզե մեդալ 77կգ քաշայինների պայքարում։ Մալխաս Ամոնյանն աշխարհի այս առաջնության մեկնարկում պարտվել էր հունգարացի Զոլտան Լևային: Սակայն հետագա պայքարի իրավունք է ստացել, քանի որ Զոլտան Լևան հասել …

Պորտուգալիան Ուկրաինա ռուսական ներխուժման սկսվելուց ի վեր մերժել է «ոսկե վիզա» ստանալու Ռուսաստանի քաղաքացիների բոլոր 10 դիմումները: Սեպտեմբերի 11-ին հաղորդել է DW-ն՝ հղում անելով Պորտուգալիայի օտարերկրացիների և սահմանապահների գործերի ծառայությանը (SEF): ՌԴ-ի նկատմամբ Եվրամիության պատժամիջոցների լույսի ներքո պատերազմի սկսվելուց հետո պաշտոնական Լիսաբոնը դադարեցրել է Ռուսաստանի քաղաքացիներից «ոսկե վիզա» ստանալու հայտերի քննարկումը: Կասեցման պահից Պորտուգալիայի իշխանությունները …

«Գազպրոմ Արմենիա» ՓԲԸ-ն տեղեկացնում է, որ պլանային աշխատանքներ իրականացնելու նպատակով սեպտեմբերի 13-ին՝ ժամը 09:00-ից մինչև ժամը 15:00-ն, կդադարեցվի Տավուշի մարզի Դիլիջան քաղաքի Սայաթ-Նովա, Կալինինի, Գետափնյա, Կամոյի, Վասիլևի, Օրջոնոկիձեյի, Կամարինի, Լերմոնտովի, Աբովյան փողոցների գազասպառողների և հարակից տարբեր նշանակության հանրային օբյեկտների գազամատակարարումը: Պլանային աշխատանքներ իրականացնելու նպատակով սեպտեմբերի 13-ին՝ ժամը 10:00-ից մինչև ժամը 18:00-ն, կդադարեցվի Կոտայքի մարզի Նուռնուս …

Սեպտեմբերի 11-ին՝ Խաչվերացի տոնին, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նախագահությամբ, Մայր Աթոռ Սուրբ Էջմիածնի Սուրբ Տրդատ բաց խորանում տեղի է ունեցել Երեկոյան ժամերգություն և Խաչվերացի հանդիսավոր թափորը: Այդ առիթով հավատացյալների երկրպագության և մխիթարության համար դուրս էր բերվել Տերունական Սուրբ Խաչափայտի մասունքն ամփոփոխ մասունքարանը։ Կատարվել է նաև Անդաստանի կարգ, որի ընթացքում Ամենայն …

Անթալիայում անտառային հրդեհ է բռնկվել։ Ինչպես հայտնում է «ՌԻԱ Նովոստի»-ն՝  կրակը սկսել է տարածվել անտառային զանգվածում։ Անթալիայի անտառային տնտեսության տարածաշրջանային վարչության խմբերն այդ շրջան են ուղարկվել։ Փրկարարները հրդեհը մարում են նաև օդից։