18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Բայդենն ու Էրդողանը հանդիպելու են G20 գագաթնաժողովի շրջանակներում
Քաղաքականություն
04.11.2022 | 11:55
Թուրքիայի նախագահ Ռեջեփ Թայիփ Էրդողանը G20-ի գագաթնաժողովի շրջանակներում հանդիպելու է ԱՄՆ նախագահ Ջո Բայդենին։ Այս մասին հայտնել է Էրդողանի խոսնակ ու գլխավոր խորհրդական Իբրահիմ Քալընը CNN Turk-ի հետ հարցազրույցում, գրում են տեղական լրատվամիջոցները։
Ըստ նրա՝ Էրդողանն ասել է, որ նախ ԱՄՆ նախագահ Ջո Բայդենին պատմելու է, թե ինչպես է ՌԴ նախագահ Վլադիմիր Պուտինին համոզել վերադառնալ «հացահատիկային գործարքին»։ «Նրանք կհանդիպեն G20-ի գագաթնաժողովում։ Այնտեղ հավանաբար, դեմ առ դեմ կխոսեն այդ մասին։ Երբ բոլորն անհանգստացած էին ՌԴ-ի կողմից «հացահատիկային գործարքի» դադարեցմամբ, Էրդողանը հանգիստ ասաց՝ «եկեք խոսենք պարոն Պուտինի հետ» և բոլորն էլ տեսան դրա արդյունքը»,- ասել է Քալընը։
Հավելենք, որ G20-ի գագաթնաժողովը տեղի է ունենալու Ինդոնեզիայում նոյեմբերի 15-16-ը։
Էմմա Չոբանյան
