Լուրեր

13 Սեպտեմբեր 2022 | 09:39 Սոթքում գիշերվա գնդակոծության հետևանքով վնասվել է համայնքապետարանի շենքը, մի քանի տուն այրվել է․ գյուղապետ

Սոթքի գյուղապետ Սևակ Խաչատրյանը գրառմամբ տեղեկացրել է, որ Սոթքում գնդակոծությունը շարունակվում է, և որ Սոթքը վնասներ է կրել։ «Սոթքում գիշերվա գնդակոծության հետևանքով վնասվել է համայնքապետարանի շենքը, մի քանի տուն այրվել է, որոշ տների տանիքններն ու պատուհաններն են վնասվել: Վնասի չափը դեռ պարզ չէ։ Հ.Գ. Այս պահին գնդակոծությունը շարունակվում է»,- գրել է գյուղապետը։

13 Սեպտեմբեր 2022 | 09:23 ԱՄՆ-ը մտահոգված է Հայաստանի քաղաքացիական բնակավայրերի վրա հարձակումներով և կոչ է անում դադարեցնել ռազմական գործողությունները

Ամերիկայի Միացյալ Նահանգները խորապես մտահոգված է հայ-ադրբեջանական սահմանին հարձակումների, այդ թվում՝ Հայաստանի տարածքում բնակավայրերի քաղաքացիական ենթակառուցվածքների ուղղությամբ հարվածների մասին հաղորդագրություններով․ այս մասին հայտարարություն է տարածել ԱՄՆ պետքարտուղար Էնթոնի Բլինքենը։ «Ինչպես մենք վաղուց հստակ հասկացրել ենք, հակամարտությունը ռազմական լուծում չի կարող ունենալ։ Մենք կոչ ենք անում անհապաղ դադարեցնել բոլոր ռազմական գործողությունները»,- ասված է Բլինքենի հայտարարության մեջ։

13 Սեպտեմբեր 2022 | 09:20 Ստեփանակերտ-Երևան միջպետական ճանապարհով երթևեկել միայն խիստ անհրաժեշտության պարագայում․ Արցախի տեղեկատվական շտաբ

Արցախի տեղեկատվական շտաբից եղեկացնում են, որ սեպտեմբերի 13-ի, ժամը՝ 09:00-ի դրությամբ արցախա-ադրբեջանական շփման գծի ողջ երկայնքով իրավիճակը շարունակում է հարաբերականորեն կայուն մնալ և էական միջադեպեր չեն արձանագրվել նախորդ օրվա համեմատ: «Քանի որ Ստեփանակերտ-Երևան միջպետական ճանապարհի տարբեր հատվածներ մոտիկ են ռազմական գործողությունների վայրերին, այն երթևեկության համար կարող է վտանգավոր լինել: Հաշվի առնելով իրավիճակի ողջ լրջությունը՝ հորդորում …

13 Սեպտեմբեր 2022 | 08:57 ԱՄՆ-ը պետք է դադարեցնի Ադրբեջանի անվտանգության ապահովմանն ուղղված ողջ աջակցությունը․ Ռոբերտ Մենենդես

ԱՄՆ Կոնգրեսի Սենատի արտաքին գործերի հանձնաժողովի նախագահ Ռոբերտ Մենենդեսը դատապարտել է Ադրբեջանի կողմից Հայաստանի բնակավայրերի վրա հարձակումը: «Խորապես անհանգստացած եմ ՀՀ տարածքի վրա ադրբեջանական հարձակումների մասին հաղորդագրություններով։ Հայկական քաղաքների և անմեղ քաղաքացիների գնդակոծումն անօրինական է և անընդունելի։ Աշխարհը պետք է դիմադրի ավտորիտար դաժանությանը։ ԱՄՆ-ը պետք է դադարեցնի Ադրբեջանի անվտանգության ապահովմանն ուղղված ողջ աջակցությունը»,- թվիթերի իր …

13 Սեպտեմբեր 2022 | 08:50 Ադրեջանը շարունակում է առաջխաղացման փորձերը․ ՊՆ-ն՝ սահմանային իրադրության մասին

Սեպտեմբերի 13-ի ժամը 08։00-ի դրությամբ իրադրությունը հայ-ադրբեջանական սահմանին էական փոփոխություններ չի կրել. տեղեկացնում է ՀՀ ՊՆ խոսբակը։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական, և թե՛ քաղաքացիական ենթակառուցվածքները։ Սահմանի որոշ հատվածներում դիրքային մարտերը նույնպես շարունակվում են, հակառակորդը չի …

13 Սեպտեմբեր 2022 | 07:53 ՀՀ-ն արդեն դիմել է ՌԴ-ին,ՀԱՊԿ-ին և ՄԱԿ անվտանգության խորհրդին

Հայաստանի տարածքի նկատմամբ Ադրբեջանի սկսած ագրեսիայի առնչությամբ Կառավարությունն արդեն դիմել է ՌԴ-ին, ՄԱԿ-ի Անվտանգության խորհրդին և ՀԱՊԿ-ին։ Factor.am-ին հայտնեցին կառավարության լրատվական ծառայությունից։ Հիշեցնենք՝ անվտանգության խորհրդի նիստում որոշում է կայացվել ՀՀ ինքնիշխան տարածքի նկատմամբ ագրեսիայի առնչությամբ պաշտոնապես դիմել Ռուսաստանի Դաշնությանը՝ Բարեկամության, համագործակցության և փոխադարձ օգնության պայմանագրի դրույթները գործողության մեջ դնելու նպատակով, Հավաքական անվտանգության պայմանագրի կազմակերպությանը և …

13 Սեպտեմբեր 2022 | 05:59 Սահմանի որոշ հատվածներում դիրքային մարտեր են ընթանում․ ՊՆ

Իրադրությունը հայ-ադրբեջանական սահմանին, սեպտեմբերի 13-ի ժամը 05։00-ի դրությամբ, փոփոխություններ չի կրել, սահմանի որոշ հատվածներում ընթանում են դիրքային մարտեր: Այս մասին հայտնում է ՀՀ Պաշտպանության նախարարության մամուլի խոսնակ Արամ Թորոսյանը: «Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով ինչպես ռազմական, այնպես էլ …

13 Սեպտեմբեր 2022 | 05:52 Փաշինյանը Բլինքենի հետ զրույցում Ադրբեջանի ագրեսիային միջազգային հանրության համարժեք արձագանքի հույս է հայտնել

Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, տեղեկացնում է վարչապետի աշխատակազմի մամուլի ծառայությունը։ Հաղորդագրության համաձայն՝ Փաշինյանը մանրամասներ է ներկայացրել Ադրբեջանի կողմից Հայաստանի ինքնիշխան տարածքի նկատմամբ ձեռնարկվող ագրեսիայի առնչությամբ: Նիկոլ Փաշինյանը տեղեկացրել է, որ տեղի ունեցող գործողությունների հետ կապված որոշում է կայացվել պաշտոնապես դիմել Ռուսաստանի Դաշնությանը՝ Բարեկամության, համագործակցության և փոխադարձ օգնության պայմանագրի …

13 Սեպտեմբեր 2022 | 05:46 ՊՆ-ն օտարերկրյա դեսպանատների ռազմական կցորդներին ներկայացրել է սահմանային իրադրությունը

Սեպտեմբերի 13-ին ՀՀ Պաշտպանության նախարարության վարչական համալիրում գերատեսչության պաշտպանական քաղաքականության և միջազգային համագործակցության վարչության պետ Լևոն Այվազյանը և ԶՈւ ԳՇ օպերատիվ գլխավոր վարչության պետի տեղակալ, գնդապետ Ալբերտ Բաղդադյանը հանդիպել են Հայաստանի Հանրապետությունում հավատարմագրված օտարերկրյա դեսպանությունների ռազմական կցորդներին և ներկայացրել ադրբեջանական կողմի լայնածավալ սադրանքի արդյունքում ստեղծված իրադրությունը: Այս մասին հաղորդում է ՀՀ ՊՆ մամուլի ծառայությունը։ Հաղորդագրության …

13 Սեպտեմբեր 2022 | 05:39 Միրզոյանը Լավրովին տեղեկացրել է ՀՀ ինքնիշխան տարածքի նկատմամբ Ադրբեջան ագրեսիայի հետևանքով ստեղծված իրավիճակի մասին

Սեպտեմբերի 13-ին ՀՀ ԱԳ նախարար Արարատ Միրզոյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ․ տեղեկացնում են ՀՀ ԱԳՆ-ից։ «Նախարար Միրզոյանը ներկայացրել է սեպտեմբերի 13-ի կեսգիշերին Ադրբեջանի զինված ուժերի կողմից մեկնարկած լայնածավալ ագրեսիայի հետևանքով հայ-ադրբեջանական սահմանագոտում ստեղծված իրավիճակը։ Արարատ Միրզոյանը տեղեկացրել է Հայաստանի Հանրապետության կողմից ձեռնարկված քայլերի՝ այդ թվում Ռուսաստանի Դաշնությանը, Հավաքական անվտանգության պայմանագրի …