Նախկին ոստիկանապետ Վլադիմիր Գասպարյանը չի ընդունում, որ իր տունը ձեռք է բերվել ոչ օրինական եկամուտներով։ Այս մասին Գասպարյանը հայտարարել է դատական հերթական նիստից հետո Factor TV-ի հարցին ի պատասխան։ Նախկին ոստիկանապետը չի ընդունում կոռուպցիոն մեղադրանքները։ «Ես երբեք չեմ անի այն, ինչն օրենքից դուրս է: Այս մասին այսօր՝ մարտի 28-ին, դատական նիստից հետո լրագրողների հետ զրույցում …

Պատերազմի ուսումնասիրության ամերիկյան ինստիտուտը (ISW) հերթական զեկույցում գրում է Բախմուտում ռուսների առաջխաղացման մասին՝ հարավից դեպի քաղաքի կենտրոն և հյուսիս-արևմուտք։ Անդրադառնալով գեոլոկացիոն տեսանյութերին՝ ISW-ի վերլուծաբանները, մասնավորապես, գրում են, որ «Վագների» հիմնադիր Եվգենի Պրիգոժինը մարտի 27-ին եղել է Բախմուտի 5-րդ դպրոցի շենքում, որը Բախմուտի քաղաքային խորհրդից մեկ կիլոմետրից պակաս հեռավորության վրա է։ Բացի այդ, կրկին հիմնվելով գեոլոկացիոն …

Ազգային ժողովի «Քաղաքացիական պայմանագիր» խմբակցության պատգամավոր, պաշտպանության և անվտանգության հարցերի մշտական հանձնաժողովի անդամ Գագիկ Մելքոնյանը կարծում է, որ Հռոմի կանոնադրության վավերացումից հետո Ռուսաստանի Դաշնության նախագահ Վլադիմիր Պուտինը Հայաստան չի գա։ Իսկ եթե ռազմավարական դաշնակից համարվող երկրի ղեկավարը ժամանի Հայաստան, ապա, ըստ իշխանական պատգամավորի, նա պետք է կալանավորվի։ «Մոսկվային թվում է, թե մինչև հիմա կախված ենք …

Ադրբեջանական բանակի տանկային ստորաբաժանումները վարժանքներ են անցկացրել։ Մարտական ​​պարապմունքն անցկացվել է համազորային զորավարժարանում։ Ադրբեջանի Պաշտպանության նախարարությունը հայտնել է, որ զորամասի անձնակազմերը կատարել են տարբեր առաջադրանքներ։ Տեղեկացվում է, որ «զինվորական անձնակազմի գիտելիքների, հմտությունների բարձրացման և մարտունակության կատարելագործման նպատակով անցկացվող վարժանքները շարունակվում են»։ Տաթև Ֆռանգյան      

ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը հանդիպել է ՀՀ-ում Դանիայի Թագավորության դեսպան Անն Թովթ Սորենսենին. տեղեկացնում են ՀՀ ԿԳՄՍՆ-ից։ Ողջունելով դեսպանին՝ Արթուր Մարտիրոսյանը վստահություն է հայտնել, որ արդյունավետ համագործակցության և համատեղ ջանքերի արդյունքում հայ-դանիական հարաբերությունները զարգացման նոր փուլ կմտնեն: ԿԳՄՍ նախարարի տեղակալը կարևորել է նախարարության համակարգման ոլորտներում դանիական կողմի հետ համատեղ …

Բարձրագույն դատական խորհրդի անդամ, դատավոր Նաիրա Հովսեփյանի նկատմամբ  կարգապահական վարույթ չի հարուցվել։ Արդարադատության նախարարության մամուլի խոսնակ Մարիամ Մելքումյանը Factor.am-ի հետ զրույցում ասաց, որ Արդարադատության նախարարությունը հնարավորություն չի ունեցել Նաիրա Հովսեփյանի վերաբերյալ մամուլի հրապարակումների հիման վրա կատարել անհրաժեշտ ուսումնասիրություն և  բավարար հիմքերի առկայության պայմաններում հարուցել կարգապահական վարույթ։ Հիշեցնենք, որ Բարձրագույն դատական խորհուրդը 2022 թվականի դեկտեմբերի 26-ին …

ՄԱԿ-ի Անվտանգության խորհուրդը (ԱԽ) չի սատարել ՌԴ-ի բանաձևը՝ կազմակերպության հովանու ներքո միջազգային հետաքննություն անցկացնել «Հյուսիսային հոսք» և «Հյուսիսային հոսք 2» գազատարների վրա պայթյունների վերաբերյալ։ Մարտի 27-ին տեղի ունեցած քվեարկության ժամանակ փաստաթղթին կողմ են քվեարկել միայն ՌԴ-ն, Չինաստանն ու Բրազիլիան, մինչդեռ ԱԽ մյուս 12 անդամները ձեռնպահ են մնացել, գրում է DW-ի ռուսական ծառայությունը։ Բանաձևի համար պահանջվում …

ՀՀ ԳԱԱ Շիրակի հայագիտական հետազոտությունների կենտրոնի և ՀՀ ԳԱԱ Հնագիտության և ազգագրության ինստիտուտի հնագետները պեղումներ են իրականացրել Լեռնակերտի N 1 դամբանադաշտում․ տեղեկացնում են ՀՀ ԳԱԱ-ից։ Բացվել են միջին բրոնզից ուշ բրոնզի անցման փուլին (Ք.ա. XVI դ. II կես-XV դ. I կես) վերագրվող թաղումներ, որոնցում միաժա­մա­նակ հանդիպել են և՛ միջինբրոնզեդարյան կարմիրբերդյան, և՛ ուշբրոնզե­դարյան ա­ռարկա­ներ։ Անցումային փուլի …

Շվեդիա-Ադրբեջան խաղի ընթացքում Ստոկհոլմի մարզադաշտում հայ երիտասարդները Հայաստանի Հանրապետության և Արցախի Հանրապետության դրոշներն են ծածանել, իսկ երկրպագուների ձեռքին եղել է նաև պաստառ՝ «Դադարեցրե՛ք Արցախի շրջափակումը» գրությամբ։ «Հայ երիտասարդները Ստոկհոլմում Շվեդիա-Ադրբեջան ֆուտբոլային խաղի ժամանակ Արցախի դրոշներով ակցիա են անցկացրել և իրենց բողոքն արտահայտել։ Պաստառ է բարձրացվել, որի վրա գրված է, որ ադրբեջանցի ահաբեկիչները պետք է դադարեցնեն …

Ըստ ոստիկանության օպերատիվ հաղորդագրությունների ամփոփագրերի՝ մարտի 27-ից 28-ը Հայաստանի Հանրապետության ոստիկանության ստորաբաժանումները բացահայտել են հանցագործության 55 դեպք, որոնցից 1-ը՝ նախկինում կատարված. տեղեկացնում են ՀՀ ոստիկանությունից։ Մասնավորապես՝ թմրամիջոցի հայտնաբերման՝ 9, անձնական ունեցվածքի գողության և խարդախության՝ 7-ական, մարմնական վնասվածք պատճառելու՝ 5, ֆիզիկական ներգործության, վստահված գույքը հափշտակելու, թմրանյութի իրացման ու թմրամիջոցների, հոգեմետ նյութերի, դրանց պատրաստուկների, համարժեք նյութերի կամ …