16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Հարավային Կորեայում ուղևորատար ինքնաթիռի դուռը թռիչքի ժամանակ բացվել է
Քաղաքականություն
26.05.2023 | 19:31
Հարավային Կորեայի Դաեգու քաղաքի օդանավակայանում վայրէջք կատարելուց կարճ ժամանակ առաջ բացվել է Asiana Airlines ավիաընկերության ինքնաթիռի դուռը, որում 194 մարդ է եղել, հաղորդում է Yonhap լրատվական գործակալությունը։
Ինքնաթիռի դուռն անսպասելիորեն բացվել է տեղական ժամանակով 12:45-ին, հայտնում է գործակալությունը՝ վկայակոչելով Դաեգուի օդանավակայանի ներկայացուցիչներին և ավիացիոն ոլորտի աղբյուրներին։ Դրանից կարճ ժամանակ անց ինքնաթիռը վայրէջք է կատարել՝ բաց դռներով:
Ինքնաթիռը գետնից մոտ 250 մետր բարձրության վրա է եղել, երբ դուռը բացվել է, հայտնել են օդանավակայանից։ Վայրէջքը բարեհաջող է անցել, օդանավում գտնվողներից ոչ ոք չի տուժել, սակայն խուճապի մատնված 12 ուղևորներ դժվարացել են շնչել, նրանցից ոմանք հոսպիտալացվել են, ասվում է հայտարարության մեջ։
Ոստիկանները բերման են ենթարկել 33-ամյա ուղևորի, որին կասկածում են դուռը բացելու մեջ։ Իրավապահ մարմինների տվյալներով՝ տղամարդը ճանապարհորդել է միայնակ, բերման ենթարկելու պահին հարբած չի եղել։
Ոստիկանությանը դեռևս չի հաջողվել պարզել կասկածյալի դրդապատճառները։
Տաթև Ֆռանգյան
