Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
«Մեծ սաղավարտի» մրցաշարերի 7-ակի չեմպիոն, աշխարհի երրորդ ռակետ Կառլոս Ալկարասը երկրորդ հաղթանակն է տարել Թուրինում ընթացող Պրոֆեսիոնալ թենիսիստների ասոցիացիայի (ATP) տարվա Ամփոփիչ մրցաշարում ու ապահովել կիսաեզրափակիչի ուղեգիր:
Երկրորդ տուրում իսպանացի թենիսիստը 1 ժամ 9 րոպեում վստահ հաղթանակի է հասել Ռուսաստանի ներկայացուցիչ, 5-րդ ռակետ Դանիիլ Մեդվեդևի նկատմամբ՝ 6:2, 6:4:
B խմբի մյուս խաղում ամերիկացի Ֆրենսիս Տիաֆոն 7:6, 6:0 հաշվով հաղթել է իտալացի Ֆլավիո Կոբոլիին:
ATP Finals-ի մրցանակային հիմնադրամը 15,7 միլիոն դոլար է։ Գործող չեմպիոնն աշխարհի երկրորդ ռակետ, իտալացի Յանիկ Սիներն է, որը վնասվածքի պատճառով այս տարի չի մասնակցում մրցմանը:
Դավիթ Եղիազարյան

