Եվրախորհրդարանը հուլիսի 13-ին բանաձև է ընդունել թափանցիկության, ամբողջականության, հաշվետվողականության և կոռուպցիայի դեմ պայքարի վերաբերյալ կառույցի կանոնների բարեփոխման առաջարկությունների մասով։ Դրանում, մի շարք երկրների հետ մեկտեղ, անդրադարձ է արվում նաև Ադրբեջանին ու երկար տարիներ այս երկրի կոռուպցիոն գործունեությանը։ Մասնավորապես, նշվում է, որ Ադրբեջանը լայնածավալ ազդեցության գործողություններ է իրականացրել Եվրոպայի խորհրդի Խորհրդարանական վեհաժողովի անդամների նկատմամբ, որոնք ներառում …

ՀՀ կրթության, գիտության, մշակույթի և սպորտի նախարարության կողմից երաշխավորված կազմակերպությունները մեկնարկել են նախադպրոցական ուսումնական հաստատության տնօրենի ղեկավարման իրավունքի (հավաստագրման) համար վերապատրաստումներին մասնակցելու գործընթացը, տեղեկացնում է ԿԳՄՍՆ-ն։ Հիշեցնենք, որ ԿԳՄՍ նախարարի հրամանով երաշխավորվել է 9 կազմակերպություն: Դրանք են՝ «Վանաձորի Հ. Թումանյանի անվան պետական համալսարան» հիմնադրամ «Էդիթ Պրինտ» ՍՊԸ «Գորիսի պետական համալսարան» ՊՈԱԿ «Հույս և ապագա» երեխաների …

Պետական եկամուտների կոմիտեն 2023 թվականի հունիս ամսվա ընթացքում ավարտված հսկողական աշխատանքների արդյունքներով 89 հարկ վճարողի մոտ արձանագրել է աշխատողի աշխատանքի ընդունումը ՀՀ օրենսդրությամբ սահմանված կարգով գրավոր չձևակերպելու խախտում: Հսկողական միջոցառումների արդյունքում, չգրանցված (չձևակերպված) վարձու աշխատող ունեցող հարկ վճարողներին, ընդհանուր առաջադրվել է 51․7 մլն դրամի չափով տուգանք: Չգրանցված վարձու աշխատող ունեցող հարկ վճարողների ցանկն՝ այստեղ։

Ադրբեջանի ԱԳ նախարար Ջեյհուն Բայրամովն ընդունել է Բաքվում ՌԴ նորանշանակ դեսպան Միխայիլ Եվդոկիմովին։ Վերջինը Բայրամովին է փոխանցել իր հավատարմագրերի պատճենը, գրում են ադրբեջանական լրատվամիջոցները։ Հանդիպման ընթացքում մտքերի փոխանակություն է տեղի ունեցել 44-օրյա պատերազմից հետո տարածաշրջանում ստեղծված իրավիճակի, Հայաստանի հետ խաղաղության գործընթացի, ինչպես նաև միջազգային կազմակերպությունների շրջանակում համագործակցության հարցերի շուրջ։ Ադրբեջանական կողմը նշել է, որ «երկու …

Հայաստանի մարդու իրավունքների պաշտպանը հրապարակել է ՀՀ Արարատի մարզի Երասխ բնակավայրի ուղղությամբ ադրբեջանական զինված ուժերի գնդակոծությունների հետևանքով մարդու իրավունքների շարունակական խախտումների վերաբերյալ արտահերթ զեկույց։ Մարդու իրավունքների պաշտպանի գրասենյակը հայտնում է, որ փաստաթղթում ներկայացվում են Պաշտպանի կողմից Երասխ բնակավայրում իրականացված փաստահավաք աշխատանքների արդյունքներով արձանագրված մարդու հիմնարար իրավունքների խախտումները։ Զեկույցում հավաքագրվել և վերլուծվել են 2023 թվականի հունիսին …

Երևանում այսօր՝ հուլիսի 18-ին, շարունակվում են ի պաշտպանության Արցախի մեկնարկած ակցիաները։ Քաղաքացիներն այժմ ակցիա են իրականացնում ՀՀ-ում Ֆրանսիայի դեսպանատան մոտ են։ Ցուցարարները պահանջում են միջոցներ ձեռնարկել՝ «կյանքի ճանապարհը»՝ Լաչինի միջանցքը բացելու ուղղությամբ և ապահովել Արցախի բնակչության իրավունքները։

ՀՀ արտաքին գործերի նախարար Արարատ Միրզոյանը հուլիսի 18-ին աշխատանքային այցով կգտնվի Վիեննայում։ ՀՀ ԱԳՆ տարածած հաղորդագրության համաձայն՝ տեղի կունենա Հայաստանի և Ավստրիայի ԱԳ նախարարների հանդիպումը, որին կհաջորդի մամուլի ասուլիս։ Նախատեսված են նաև հանդիպումներ միջազգային կազմակերպությունների ներկայացուցիչների հետ։    

Ամենօրյա ամփոփագրում բրիտանական հետախուզությունը նկարագրել է Ուկրաինայում ստեղծված իրավիճակը ճակատներում: Անցած շաբաթվա ընթացքում մարտերը շարունակվել են ռազմաճակատի տարբեր հատվածներում, երկու կողմերին էլ հաջողվել է հասնել միայն չնչին հաջողությունների, նշել են զեկույցի հեղինակները, փոխանցում է BBC-ի ռուսական ծառայությունը։ Հյուսիս-արևելքում ռուս զինվորականները փորձել են Կրեմեննայայից արևմուտք ընկած անտառներով շարժվել դեպի արևմուտք: Ուկրաինան շարունակում է զգալի ջանքեր գործադրել …

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ հուլիսի 18-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան՝ 10:00-16:00 Ֆուչիկի 1-ին նրբ․ 13, 15, 17 շենքեր, Ֆուչիկի փ. 14, 24 շենքեր, Մարգարյան փ. 4, 15, 17, 19, 23 շենքերի բնակիչ-բաժանորդներ, Շահումյան 12 փողոց, Վարուժանի փողոց, Շրջանային փողոցի բնակիչ-բաժանորդներ և հարակից ոչ բնակիչ-բաժանորդներ, …

Դատավորների միությունը հայտարարություն է տարածել. Հարգելի՛ դատավորներ, 2023 թվականի հուլիսի 19-ին կայանալու է դատավորների ընդհանուր ժողով, որի օրակարգում ի թիվս այլ հարցերի ներառված է նաև Բարձրագույն դատական խորհրդի դատավոր անդամի ընտրության հարցը: Բարձրագույն դատական խորհրդի դատավոր անդամ ընտրելու և դատավորների անկախությունը երաշխավորող սահմանադրական մարմնի օրինական ձևավորման գործընթացը կրկին վտանգված է: Թեկնածուների ընտրությունը օրենքի պահանջներին հակառակ …