Քաղաքականություն
08.12.2023 | 15:46
Ռուսաստանցի ընդդիմադիր գործիչ Ալեքսեյ Նավալնիի մերձավորներն ուրբաթ հայտնել են, որ երեք օր է՝ կապ չունեն նրա հետ, չգիտեն, թե նա ինչպես է և որտեղ է։ Թիվ 6 ուղղիչ գաղութում բանտարկված Նավալնին երրորդ օրն է՝ չի միացվում գաղութի դեմ իր պահանջների վերաբերյալ լսումներին։ Գործը քննվում է Կովրովի քաղաքային դատարանում, գրում է Euronews-ը։
Դաշնային քրեակատարողական ծառայության աշխատակիցը տեսակապի հետ կապված խնդիրները բացատրել է «վթարով» և հոսանքի բացակայությամբ։
Միաժամանակ, նրա փաստաբանին թույլ չեն տվել տեսակցել կալանավորված ընդդիմադիրին. նա ապարդյուն հանդիպման է սպասել ավելի քան յոթ ժամ։
SOTA-ն գրում է, որ գաղութի ներկայացուցիչ Կռիլովը խորհուրդ է տվել գործչի փաստաբանին, որն արդեն երրորդ օրն անընդմեջ փորձում է այցելել Նավալնիին գաղութում, չգալ՝ ասելով, որ «միևնույն է՝ թույլ չեն տա հանդիպել»:
