26.06.2026 | 13:12
Ալեն Սիմոնյանը ներողություն չի խնդրի Ռոբերտ Քոչարյանից. երկրորդ նախագահը պարտվել է դատարանում
ԱՄՆ Արդարադատության նախարարությունը նոր մեղադրանք է առաջադրել Հանթեր Բայդենին
Քաղաքականություն
08.12.2023 | 16:06
ԱՄՆ Արդարադատության նախարարությունը նոր քրեական մեղադրանք է առաջադրել ԱՄՆ նախագահ Ջո Բայդենի որդու՝ Հանթերի դեմ՝ նրան մեղադրելով 1,4 միլիոն դոլարի հարկերից խուսափելու համար, մինչդեռ միլիոնավոր դոլարներ է ծախսել շքեղ ապրելակերպի վրա, փոխանցում է VOA-ն։
Կենտրոնական Կալիֆորնիայի շրջանի դաշնային դատարանում ներկայացված 56 էջանոց մեղադրական եզրակացության համաձայն՝ Հանթեր Բայդենը մեղադրվում է ինը կետով, ներառյալ «հարկերի չվճարումը, հարկերից խուսափելը և կեղծ հարկային հայտարարագիր ներկայացնելը»:
«Հանթեր Բայդենը ներգրավված է եղել քառամյա սխեմայի մեջ, որի շրջանակում նա չի վճարել առնվազն 1,4 միլիոն դոլար դաշնային հարկեր, որոնք նա պարտք է եղել 2016-ից 2019 թվականներին, իսկ 2018 թվականին խուսափել է հարկերից՝ կեղծ հաշվետվություններ ներկայացնելով»,- ասվում է հատուկ դատախազի գրասենյակի կողմից տարածված մամուլի հաղորդագրության մեջ։
2016-2020 թվականներին Հանթեր Բայդենը ստացել է ավելի քան 7 միլիոն դոլարի եկամուտ արտասահմանյան բիզնես գործարքներից, ներառյալ վճարումներն ուկրաինական Burisma գազային ընկերության խորհրդում աշխատելու և չինական ներդրումային հիմնադրամում մասնակցության համար՝ համաձայն գանձման փաստաթղթերի:
