Վարչապետ Նիկոլ Փաշինյանն ընդունել է ԵԱՀԿ Գլխավոր քարտուղար Հելգա Մարիա Շմիդին: Այս մասին տեղեկացրին Կառավարության մամուլի ծառայությունից։ «Զրուցակիցներն անդրադարձել են Երևանում անցկացվող ԵԱՀԿ խորհրդարանական վեհաժողովի աշխատանքներին, օրակարգային հարցերին, ՀՀ կառավարության և ԵԱՀԿ-ի միջև համագործակցությանը: Քննարկվել են Լեռնային Ղարաբաղում Ադրբեջանի կողմից էթնիկ զտման քաղաքականության հետևանքով 100 հազարից ավելի բռնի տեղահանված անձանց հումանիտար խնդիրներին, ինչպես նաև դրանց …

ՀՀ ԱԺ նախագահ Ալեն Սիմոնյանը ելույթ է ունեցել ԵԱՀԿ Խորհրդարանական վեհաժողովի աշնանային նստաշրջանում: Ստորև ներկայացնում ենք ԱԺ նախագահի ելույթը. «Մեծարգո՛ պարոն վարչապետ, Հարգարժա՛ն տիկին նախագահ, Հարգելի՛ պատվիրակներ, հյուրեր, Տիկնայք և պարոնայք, Ողջունում եմ ձեզ Հայաստանի Հանրապետության մայրաքաղաք Երևանում: Հայաստանի Հանրապետության Ազգային ժողովի համար մեծագույն պատիվ է հյուրընկալել ԵԱՀԿ Խորհրդարանական վեհաժողովի աշնանային նստաշրջանը: Երախտագիտություն եմ հայտնում …

ԵԱՀԿ պորհրդարանական վեհաժողովի աշնանային նստաշրջանի ընթացքում քննարկվելու են Լեռնային Ղարաբաղում ստեղծված իրավիճակը, Հայաստանի և Ադրբեջանի միջև խաղաղության համաձայնագրի շուրջ այս պահին բանակցությունների ընթացքը։ «Արմենպրես»-ի հաղորդմամբ՝ լրագրողների հետ ճեպազրույցում այս մասին ասաց ԵԱՀԿ Խորհրդարանական Վեհաժողովի նախագահ Պիա Կաուման։ «Առաջին հերթին, ուզում եմ ասել, որ ԵԱՀԿ-ի անունից մենք շատ շնորհակալ ենք: Շնորհակալություն Հայաստանին այս նստաշրջանը կազմակերպելու համար …

ՄԱԿ-ի գլխավոր քարտուղարի՝ հումանիտար հարցերով տեղակալ Մարտին Գրիֆիթսը հայտարարել է, որ Գազայի հատվածում հումանիտար ճգնաժամը հասել է անտանելի չափերի և այլևս չի կարող շարունակվել: «Արմենպրես»-ի փոխանցմամբ՝ այս մասին հայտնում է «Ինտերֆաքս»-ը՝ վկայակոչելով Al Jazeera-ն: Նրա խոսքով ՝ անհրաժեշտ է անհապաղ դադարեցնել Իսրայելի գործողությունը տարածաշրջանում: «Անկասկած, հումանիտար ճգնաժամը ցանկացած չափանիշով.. անտանելի է և չի կարող շարունակվել: …

Արդարադատության միջազգային դատարանը նոյեմբերի 17-ին կայացրեց որոշում Ռասայական խտրականության բոլոր ձևերի վերացման մասին միջազգային կոնվենցիայի շրջանակներում քննվող Հայաստանն ընդդեմ Ադրբեջանի դատական գործով Հայաստանի կողմից ժամանակավոր միջոցներ կիրառելու թվով 5-րդ միջնորդության վերաբերյալ՝ բավարարելով Հայաստանի պահանջները․ տեղեկանում ենք Միջազգային իրավական հարցերով ՀՀ ներկայացուցչի տարածած հաղորդագրությունից։ Հիշեցնենք՝ Հայաստանը ժամանակավոր միջոցներ կիրառելու վերաբերյալ այս միջնորդությունը ներկայացրել էր ս.թ. սեպտեմբերի …

ԵԱՀԿ ԽՎ-ում հայկական պատվիրակության ղեկավար Սարգիս Խանդանյանը կարևորեց ՄԱԿ-ի արդարադատության միջազգային դատարանի որոշումը՝ Հայաստանն ընդդեմ Ադրբեջանի գործով։ «Արմենպրես»-ի հաղորդմամբ՝ Խանդանյանն այս մասին հայտարարեց լրագրողների հետ ճեպազրույցում։ «Շատ կարևոր է ՄԱԿ-ի արդարադատության միջազգային դատարանի այս որոշումը և շատ կարևոր է, որ այն երկրները, որոնք մաս են կազմում այդ դատարանի, լսեն, հետևեն, դատարանի որոշումներին։ Ցավով պետք է …

Նոյեմբերի 18-ին՝ ժամը 09:50-ի սահմաններում, Պարույր Սևակի հատվածում տեղակայված հայկական դիրքի ուղղությամբ Ադրբեջանի ԶՈՒ արձակած կրակոցի հետևանքով հրազենային վիրավորում է ստացել ՀՀ ՊՆ N զորամասի զինծառայող Է. Հ.-ն: Զինծառայողի առողջական վիճակը գնահատվում է միջին ծանրության, այս պահին նրա կյանքին վտանգ չի սպառնում։ Դեպքի հանգամանքներն ամբողջովին պարզելու նպատակով ընթանում է քննություն:

ՀՖՖ-ն հրապարակել է Հայաստանի ազգային հավաքականի վերջնական հայտացուցակը։ Եվրո 2024-ի որակավորման փուլի Հայաստան-Ուելս հանդիպումը կկայանա այսօր Վազգեն Սարգսյանի անվան «Հանրապետական» ստադիոնում ու կմեկնարկի ժամը 18։00-ին։ Թիմերի առաջին հանդիպումը ավարտվել էր 2-4 հաշվով՝ հօգուտ Հայաստանի ընտրանու։

Մեկնարկել է Խաչատրյանի անվան 11-րդ միջազգային փառատոնը։ Արամ Խաչատրյանի 120-ամյակին նվիրված փառատոնը բացվեց Հայաստանի պետական սիմֆոնիկ նվագախմբի և թավջութակահար Նարեկ Հախնազարյանի համերգով։ Ծրագրում հնչեցին Խաչատրյանի «Դիմակահանդես» սյուիտը, Կոնցերտ-ռապսոդիան թավջութակի և նվագախմբի համար, հատվածներ «Սպարտակ» բալետի սյուիտներից, հատվածներ «Գայանե» բալետի սյուիտներից։ Համերգը ղեկավարում էր Հայաստանի պետական սիմֆոնիկ նվագախմբի ընթացիկ համերգաշրջանի գլխավոր հրավիրյալ դիրիժոր Ջանլուկա Մարչիանոն։ Թավջութակահար …