09.04.2026 | 23:32
Պուտինը հայտարարել է «զատկական հրադադար»
Իսրայելն ու ՀԱՄԱՍ-ը «ընդհանուր առմամբ համաձայնության են եկել զինադադարի շուրջ»․ Reuters
Քաղաքականություն
24.01.2024 | 15:08
Իսրայելն ու ՀԱՄԱՍ-ն, ընդհանուր առմամբ, համաձայնության են եկել Գազայի հատվածում մեկամսյա հրադադարի շուրջ՝ մի կողմից պաղեստինցի բանտարկյալներին, մյուս կողմից՝ իսրայելցի պատանդներին ազատ արձակելու դիմաց: Այս մասին գրում է Reuters-ը՝ հղում անելով իր աղբյուրներին։
Զինադադարի պայմանների շուրջ տարաձայնությունները, սակայն, դեռևս հնարավորություն չեն տվել լիարժեք համաձայնության գալ, նշում է գործակալությունը։
Ավելի վաղ ՄԱԿ-ի գլխավոր քարտուղար Անտոնիո Գուտերեշը կոչ էր արել անհապաղ դադարեցնել կրակը։ Նա նաև ընդգծել է, որ Մերձավոր Արևելքում հակամարտության տևական լուծման միակ ճանապարհը երկու պետությունների գոյությունն է՝ Իսրայելն ու Պաղեստինը, ինչը մերժում է Թել Ավիվը։
Իսրայելը նաև պնդում է Գազայում իշխանությունից հեռացնել հոկտեմբերի 7-ի հարձակումը ծրագրած պաղեստինցի վեց առաջնորդներին, Reuters-ին հայտնել է զինյալների աղբյուրը: ՀԱՄԱՍ-ն իր հերթին մտավախություն ունի, որ Իսրայելի պաշտպանության բանակը կշարունակի մարտերը Գազայում պատանդների ազատ արձակումից հետո, և պահանջում է մշտական հրադադարի երաշխիքներ՝ նախքան նրանց ազատելը:
