09.04.2026 | 23:32
Պուտինը հայտարարել է «զատկական հրադադար»
Բելառուսում զանգվածաբար ձերբակալում են քաղբանտարկյալների հարազատներին
Քաղաքականություն
24.01.2024 | 15:43
Բելառուսում զանգվածաբար ձերբակալում են ընդդիմադիր տրամադրված քաղաքացիներին: Իրավապաշտպանները պնդում են, որ Պետանվտանգության կոմիտեն (ԿԳԲ) այցելում և խուզարկություններ է իրականացնում նախկին քաղբանտարկյալների ու նրանց հարազատների տներում ամբողջ երկրում՝ ներկայացնելով «ծայրահեղական խմբավորումներին» ֆինանսավորելու և դրանց մասնակցելու կասկածանքով հրամանները, գրում է The Moscow Times-ը։
Հունվարի 23-ի դրությամբ՝ հայտնի է առնվազն 73 ձերբակալվածի մասին, որոնցից առնվազն 20-ը քաղբանտարկյալների մտերիմներ են։
«ԿԳԲ-ի սպաների որոշումները ներառում են «ծայրահեղական գործունեության ֆինանսավորման» և «ծայրահեղական խմբավորումներին մասնակցության» հոդվածներ։ ԿԳԲ-ի աշխատակիցները որոշ մարդկանց ասել են, որ ձերբակալություններն ու խուզարկությունները կապված են «INeedHelpBY» նախագծի հետ, որը նախկինում ճանաչվել է որպես «ծայրահեղական կազմավորում»», հայտնում է բելառուսական «Գարուն» իրավապաշտպան նախագիծը։
Ըստ կազմակերպության՝ «ձերբակալությունների» ժամանակ առնվազն 73 մարդ ենթարկվել է բռնաճնշումների անվտանգության ուժերի կողմից, որոնցից առնվազն 20-ը եղել են երկրի նախագահ Ալեքսանդր Լուկաշենկոյի ռեժիմի նկատմամբ իրենց քննադատական դիրքորոշման համար բանտարկվածների հարազատները։
Ձերբակալվածներից մեկը նախագահի նախկին թեկնածու, քաղբանտարկյալ Նիկոլայ Ստատկևիչի կինն է՝ Մարինա Ադամովիչը։ Այս առումով իրավապաշտպանները խորհուրդ են տալիս և՛ նախկին քաղբանտարկյալներին, և՛ նրանց հարազատներին հոգ տանել իրենց անվտանգության մասին, մասնավորապես, մաքրել իրենց հեռախոսների նամակագրությունը, որը կարող է հետաքրքրել անվտանգության ուժերին:
