12.08.2026 | 16:15
Կասեցվել է «Արծվաբերդ» գազավորված ըմպելիքների արտադրամասի գործունեությունը
ՌԴ ՊՆ-ն պնդում է, թե կործանված Իլ-76 ինքնաթիռում ուկրաինացի 65 ռազմագերի է եղել․ Կիևը հերքում է
Քաղաքականություն
24.01.2024 | 14:54
ՌԴ Պաշտպանության նախարարությունը հայտարարում է, թե Բելգորոդի շրջանում կործանված Իլ-76 ռազմական ինքնաթիռում ուկրաինացի ռազմագերիներ են եղել։
«Հունվարի 24-ին Մոսկվայի ժամանակով մոտավորապես 11:00-ին Բելգորոդի մարզում պլանային թռիչքի ժամանակ վթարի է ենթարկվել Իլ-76 ինքնաթիռը։ Ինքնաթիռում եղել են Ուկրաինայի զինված ուժերի 65 գերեվարված զինծառայողներ, որոնք փոխադրվել են Բելգորոդի մարզ, ինքնաթիռի անձնակազմի 6 անդամ և 3 ուղեկցող անձ»,- ասվում է ՌԴ ՊՆ հաղորդագրության մեջ, փոխանցում է BBC-ի ռուսական ծառայությունը։
Ուկրաինական լրատվամիջոցները, սակայն, հերքում են այս պնդումը։ Մասնավորապես, Украинская правда-ին ԶՈՒ Գլխավոր շտաբում աղբյուրները հայտնել են, որ ինքնաթիռը С-300 համակարգերի համար հրթիռներ է տեղափոխել։
Ուկրաինայի Պաշտպանության նախարարությունից էլ «Суспiльне»-ին հայտնել են, որ առայժմ չեն կարող հաստատել այն տվյալները, որ Իլ-76-ը խոցել են երկրի Զինված ուժերը, քանի որ «դեռևս պարզում են տեղեկատվությունը»։
ՌԴ Պետդումայի պաշտպանության հարցերի հանձնաժողովի ղեկավար Անդրեյ Կարտապոլովն էլ պնդում է, որ ինքնաթիռը խոցվել է երեք հրթիռով։
«Ուկրաինայի ղեկավարությունը քաջատեղյակ էր գերիների մոտալուտ փոխանակման մասին, նրանք տեղեկացված էին, թե ինչպես են հանձնվելու գերիները, սակայն Իլ-76 ինքնաթիռը խոցվել է զենիթահրթիռային համալիրի երեք հրթիռով՝ կա՛մ Patriot, կա՛մ գերմանական արտադրության IRIS T։ Մասնագետները կպարզեն»,- հայտարարել է նա Դումայի նիստում։
Էմմա Չոբանյան
