01.11.2024 | 23:19
Հրդեհ Գյումրու տներից մեկում
Վթարի ենթարկված Իլ-76-ում գտնվող բոլոր անձինք զոհվել են. Բելգորոդի նահանգապետ
Քաղաքականություն
24.01.2024 | 15:56
Կորոչանսկի շրջանում բեռնատար ինքնաթիռ է կործանվել, այն ընկել է դաշտում, բնակելի տարածքից ոչ հեռու։ Ինքնաթիռում գտնված բոլոր անձինք զոհվել են։ Այս մասին գրել է Բելգորոդի մարզի նահանգապետ Վյաչեսլավ Գլադկովն իր Telegram-ալիքում, փոխանցում է BBC-ի ռուսական ծառայությունը։
ՌԴ Պաշտպանության նախարարությունը հայտարարել է, որ կործանման պահին ինքնաթիռում եղել է 74 մարդ՝ 65 գերի ընկած ուկրաինական զինված ուժերի զինծառայողներ, որոնք տեղափոխվել են Բելգորոդի շրջան՝ փոխանակման նպատակով, և 9 ռուսներ (անձնակազմի վեց անդամ և ռազմագերիներին երեք ուղեկցող):
Ուկրաինական լրատվամիջոցները, սակայն, հերքում են այս պնդումը։ Մասնավորապես, Украинская правда-ին ԶՈՒ Գլխավոր շտաբում աղբյուրները հայտնել են, որ ինքնաթիռը С-300 համակարգերի համար հրթիռներ է տեղափոխել։
Ուկրաինայի ՊՆ-ից էլ «Суспiльне»-ին հայտնել են, որ առայժմ չեն կարող հաստատել այն տվյալները, որ Իլ-76-ը խոցել են երկրի Զինված ուժերը, քանի որ «դեռևս պարզում են տեղեկատվությունը»։
