ՌԴ նախագահական ընտրություններում քվեարկության համար ՀՀ-ում բացվել էր երկու ընտրատեղամաս՝ Երևանում Ռուսաստանի դեսպանատանն ու Գյումրիում գլխավոր հյուպատոսությունում։ Ըստ Exit Polls-ի տվյալների, որի շրջանակում Գյումրիում հարցման մասնակցել է 690 ընտրող, 21 տոկոսը քվեարկել է Վլադիմիր Պուտինի, 48 տոկոսը՝ Վլադիսլավ Դավանկովի, 1 տոկոսը՝ Լեոնիդ Սլուցկիի, իսկ 2 տոկոսը՝ Միխայիլ Խարիտոնովի օգտին։ Երևանում հարցումը կատարվել է 3,213 ընտրողի …

Մեկնարկել է ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանի, ՀՀ տարածքային կառավարման և ենթակառուցվածքների նախարարության էներգետիկ տարածաշրջանային շուկաների բաժնի պետ Հովհաննես Աբրահամյանի ասուլիսը։ Թեմա՝ բնակարանային ապահովման, ինչպես նաև բնակարանային պայմանների բարելավմանն ուղղված պետական աջակցության ծրագրերը։  

ՀՀ ԱԳՆ-ում մեկնարկել է Հայաստանի արտաքին գործերի նախարար Արարատ Միրզոյանի հետ առանձնազրույցը․ ֆեյսբուքի իր էջում գրել է ՀՀ ԱԳ խոսնակ Անի Բադալյանը։ Հիշեցնենք, որ Ղազախստանի Հանրապետության արտաքին գործերի նախարար Մուրատ Նուրտլեուն ժամանել է Հայաստան:

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները մարտի 18-ի դրությամբ՝ ըստ rate.am-ի: Ամերիկյան մեկ դոլարը գնվում է միջինը 399,69 և վաճառվում՝ 405,22 փոխարժեքով: Մեկ եվրոն գնվում է միջինը 431,41 և վաճառվում՝ 444,33 փոխարժեքով: Մեկ ռուսական ռուբլին գնվում է միջինը 4,20 և վաճառվում՝ 4,46 փոխարժեքով։

Ադրբեջանի նախագահ Իլհամ Ալիևը հայտարարել է Հայաստանի հետ հարաբերությունների կարգավորման լավ հնարավորությունների մասին։ «ԱԳ նախարարների վերջին հանդիպումը, ինչպես նաև Ադրբեջանի և Հայաստանի փոխվարչապետների հանդիպումը  սահմանի դելիմիտացիայի հարցով ցույց են տալիս, որ կարգավորման լավ հնարավորություններ կան։ Ինչպես ես վերջերս ասել եմ՝ հիմա մենք մոտ ենք խաղաղությանը, քան երբևէ նախկինում»,- ասել է Ալիևը ՆԱՏՕ-ի գլխավոր Յենս Ստոլտենբերգի …

Ղազախստանի Հանրապետության արտաքին գործերի նախարար Մուրատ Նուրտլեուն ժամանել է ՀՀ ԱԳՆ, որտեղ նրան ողջունել է ՀՀ ԱԳ նախարար Արարատ Միրզոյանը: Այս մասին հաղորդագրություն է տարածել ՀՀ ԱԳՆ խոսնակը։

ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը տեղեկացնում է, որ հարավից հզոր ցիկլոնի ներթափանցմամբ պայմանավորված՝ մարտի 19-ին և 19-ի լույս 20-ի գիշերը Շիրակում, Լոռիում, Տավուշի նախալեռներում, Արագածոտնի, Կոտայքի, Վայոց ձորի լեռներում, Գեղարքունիքում, Սյունիքի լեռնային և նախալեռնային գոտիներում սպասվում են ձյան առատ տեղումներ, առանձին հատվածներում՝ բուք, ցածր հորիզոնական տեսանելիություն։

ՌԴ նախագահ Վլադիմիր Պուտինն ընտրությունների արդյունքների հրապարակմանը հաջորդած մամուլի ասուլիսում մեկնաբանել է ընդդիմադիր քաղաքական գործիչ Ալեքսեյ Նավալնիի մահը Յամալի գաղութում։ Նա ընդդիմադրի մահն անվանել «տխուր իրադարձություն», գրում է Current Time-ը։ Նրա խոսքով՝ Ռուսաստանում եղել են նաև այլ դեպքեր, երբ «ազատազրկման վայրերում մարդիկ են մահացել»։ «Ի դեպ, պարոն Նավալնիի մահից մի քանի օր առաջ որոշ գործընկերներ, …