30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Քամալա Հարիսը բավականաչափ աջակցություն է ստացել նախագահի պաշտոնում առաջադրվելու համար
Քաղաքականություն
23.07.2024 | 11:05
ԱՄՆ փոխնախագահ Քամալա Հարիսը ապահովել է բավական թվով պատվիրակների պաշտոնական աջակցությունը Դեմոկրատական կուսակցության նախագահի թեկնածու դառնալու համար, հաղորդում է Associated Press-ը:
«Մինչև երկուշաբթի ուշ երեկոյան, Հարրիսին աջակցել են առնվազն 2,579 պատվիրակներ, AP-ի տվյալներով՝ սա ավելին է, քան 1,976 պատվիրակները, որոնք անհրաժեշտ էին քվեարկության առաջին փուլում հաղթելու համար», – գրում է գործակալությունը:
«Մինչ շարունակվում է պատվիրակների աջակցությունների ստացումը, Հարիսին արդեն իրենց աջակցությունն են հայտնել 1976-ից ավելի պատվիրակներ»,- հաղորդում է CNN-ը:
Հեռուստաալիքը նշում է, որ իրենց հաշվարկները հիմնված են պատվիրակների և պետական պատվիրակությունների աջակցության հրապարակային հայտարարությունների, պատվիրակների հետ զրույցների և սեփական նյութերի վրա:
Այս թվերը վերջնական չեն, և հաստատումը չի նշանակում պաշտոնական առաջադրում. պատվիրակները դեռ պետք է քվեարկեն կուսակցության համագումարում, որը բացվելու է օգոստոսի 19-ին Չիկագոյում: Միաժամանակ, ինչպես հաղորդում է CNN-ը, դեմոկրատները հույս ունեն, որ Հարիսի թեկնածությունը կհաստատեն օգոստոսի 7-ից առաջ։
