Գերմանիայի կանցլեր Օլաֆ Շոլցը ևս մեկ անգամ կոչ է արել եվրոպացի գործընկերներին ուժեղացնել ֆինանսական և ռազմական օգնությունն Ուկրաինային․ հաղորդում է DW-ն։ «ԱՄՆ Կոնգրեսի միջոցով Կիևին աջակցելու միջոցառումների նոր փաթեթի ընդունման ժամանակ առաջացած խնդիրների պատճառով Ուկրաինայի կողմնակիցներն այժմ գտնվում են շատ դժվար իրավիճակում»,- ասել է Շոլցը Եվրախորհրդարանի Սոցիալ-դեմոկրատական ​​կուսակցության պատգամավորների հետ հանդիպման ժամանակ։ Նա հավելել է, …

Կահիրեում մեկնարկել է Աշխարհի գավաթի խաղարկությունը։ Մրցումային 2րդ օրը կրակագծում ատրճանակ մրցաձևի մարզիկներն էին։ Այս մասին տեղեկացնում է Հայաստանի հրաձգության ֆեդերացիան։ «10 մ օդամղիչ ատրճանակ միքս մրցաձևի որակավորման փուլում Բենիկ Խլղաթյան / Էլմիրա Կարապետյան զույգը, փայլուն արդյունք գրանցելով, (581 – 292/289) 1-ին հորիզոնականով անցավ եզրափակիչ փուլ։ Եզրափակչում մերոնք 7/17 հաշվով զիջեցին Հնդկաստանի թիմին և դարձան …

Երևանում ամանորյա ձևավորման ապամոնտաժման աշխատանքներով պայմանավորված, այսօր՝ հունվարի 28-ին՝ ժամը 23:00-ից մինչև հունվարի 29-ի 06:00-ն ժամանակավորապես կդադարեցվի Մաշտոցի պողոտայի՝ Պուշկին փողոցի խաչմերուկից մինչև Խորենացի խաչմերուկ հատվածի երթևեկությունը: Այս մասին հայտնում է Երևանի քաղաքապետարանը։

ՆԳՆ փրկարար ծառայությունից տեղեկացնում են, որ հունվարի 29-ին՝ ժամը 10:00-ից մինչև 15:00-ն ընկած ժամանակահատվածում, Տավուշի մարզի Իջևան համայնքի Գետահովիտ բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12:00-ին գործարկվելու է էլեկտրական շչակ:

«Ճանապարհային դեպարտամենտ» հիմնադրամը տեղեկացնում է, որ հունվարի 28-ին՝ ժամը 16։45-ի դրությամբ, Վարդենյաց լեռնանցքը փակ է կցորդով տրանսպորտային միջոցների համար։ Միջպետական և հանրապետական նշանակության բոլոր ավտոճանապարհները բաց են: Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել բացառապես ձմեռային անվադողերով:

Հիդրոօդերևութաբանության և մոնիթորինգի կենտրոնից հաղորդում են, որ Երևանում հունվարի 28-ի ցերեկը, 29-31-ին, փետրվարի 1-2-ին սպասվում է առանց տեղումների եղանակ: Հանրապետության տարածքում հունվարի 28-ի ցերեկը, 31-ին, փետրվարի 1-2-ին սպասվում է առանց տեղումների եղանակ։ Հունվարի 29-30-ին առանձին շրջաններում սպասվում է ձյուն, լեռնային առանձին շրջաններում բուք։ Քամին՝ հյուսիս-արևմտյան 2-5մ/վ, հունվարի 28-ի ցերեկը առանձին վայրերում սպասվում է քամու ուժգնացում …

Առատ ձյան տեղումներով և ջերմաստիճանի կտրուկ նվազեցմամբ պայմանավորված՝ հունվարի 26-ից 28-ը Երևան քաղաքի Արաբկիր, Կենտրոն, Նոր Նորք, Քանաքեռ-Զեյթուն, Ավան, Աջափնյակ, Մալաթիա-Սեբաստիա վարչական շրջաններում փրկարարներն իրականացրել են կամուրջներից, թունելներից և վերգետնյա անցումներից կախված սառցալեզվակների հեռացման աշխատանքներ։ ՆԳՆ փրկարար ծառայությունից հայտնում են, որ սառցալեզվակների վերացման աշխատանքները շարունակվում են:

Երկու անհայտ անձինք Ստամբուլի Սանտա Մարիա կաթոլիկ եկեղեցում կիրակնօրյա աղոթքի ժամանակ կրակել և սպանել են մի տղամարդու, այս մասին «X» սոցիալական ցանցում հայտնել է Թուրքիայի ներքին գործերի նախարար Ալի Երլիքայան։ Նախարարի խոսքով՝ հարձակում կատարած երկու անձինք եղել են դիմակներով, նրանց հայտնաբերելու ուղղությամբ աշխատանքներ են տարվում։ Երլիքայան հայտարարել է լայնամասշտաբ հետաքննություն սկսելու մասին։