23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Չինաստանն իր քաղաքացիներին կոչ է արել հնարավորինս շուտ լքել Լիբանանը
Քաղաքականություն
22.08.2024 | 23:03
Պեկինը կոչ է արել Չինաստանի քաղաքացիներին, որոնք գտնվում են Լիբանանում, մոտ ապագայում լքել այդ երկիրը՝ լիբանանա-իսրայելական սահմանին լարվածության պատճառով։ Այս մասին հայտնում է The Times of Israel-ը՝ վկայակոչելով Բեյրութում Չինաստանի դեսպանատան հայտարարությունը։
«Քանի դեռ կան կոմերցիոն թռիչքներ, մենք ձեզ խորհուրդ ենք տալիս հնարավորինս շուտ օգտվել Չինաստան վերադառնալու հնարավորությունից»,- ասել են դիվանագետները։
Նրանք գնահատել են, որ հարավային Լիբանանն այժմ «չափազանց վտանգավոր» է ճանապարհորդության համար, մինչդեռ երկրի մյուս հատվածները գնահատվում են որպես «շատ վտանգավոր» ճանապարհորդության համար։
Չինաստանի դեսպանատունը նշել է, որ Լիբանանում անվտանգության ընդհանուր իրավիճակը շարունակում է ծանր մնալ։
Նախկինում մի շարք արևմտյան երկրներ նույնպես կոչ էին արել իրենց քաղաքացիներին լքել Լիբանանը։
Իրավիճակը Մերձավոր Արևելքում կտրուկ վատթարացել է հուլիսի վերջին Բեյրութում ՀԱՄԱՍ-ի քաղբյուրոյի ղեկավար Իսմայիլ Հանիեի և «Հըզբոլլահի» հրամանատարներից Ֆուադ Շուքրի սպանությունից հետո։ Իրանը և «Հըզբոլլահը» խոստացել են վրեժ լուծել նրանց մահվան համար:
