Ընթանում է Հայաստանի և Վրաստանի արտաքին գործերի նախարարների ընդլայնված կազմով հանդիպումը․ տեղեկացնում են ՀՀ ԱԳՆ-ից։ Օրակարգում են երկու երկրների միջև ռազմավարական գործընկերության օրակարգի, երկկողմ և բազմակողմ ձևաչափերում համագործակցության հարցեր, ինչպես նաև տարածաշրջանային զարգացումները: Հանդիպման արդյունքներով նախարարները հանդես կգան մամուլի համար հայտարարություններով:

Աշխարհի խոշորագույն հումքային բորսաների հուլիսի 2-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինը նվազել է 0.38%-ով և կազմել 83.20 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինը նվազել է 0.15%-ով և կազմել 86.68 դոլար: Նավթի չափման միավորը բարելն …

Ադրբեջանում հուլիսի 1-ից բենզինի, դիզվառելիքի, հասարակական տրանսպորտի գների թանկացումները բուռն քննարկումներ ու քննադատություններ են առաջացրել։ Տնտեսագետ Նաթիգ Ջաֆարլին ադրբեջանական լրատվամիջոցների հետ զրույցում ասել է, թե տարօրինակ է, որ այս քայլն արվել է խորհրդարանական ընտրություններից առաջ։ «Իշխանությունը կարող էր սպասել ընտրություններին։ Ցանկացած կառավարությունում իշխող կուսակցությունն ընտրություններից առաջ նման քայլի չի գնում։ Սա ցույց է տալիս, որ …

Մեկնարկել է ՀՀ ԱԳ նախարար Արարատ Միրզոյանի այցը Վրաստան․ տեղեկացնում են ՀՀ ԱԳՆ-ից։ «ԱԳՆ-ում կայացել է Վրաստանի արտաքին գործերի նախարար Իլյա Դարչիաշվիլիի հետ առանձնազրույցը»,- ասված է հաղորդագրությունում։

Գերմանիայում ընթացող Եվրո-2024-ի 1/8-րդ եզրափակչի Ավստրիա-Թուրքիա հանդիպման ժամանակ թուրք ֆուտբոլիստ Մերիհ Դեմիրալը ցույց է տվել ծայրահեղ ազգայնական, նեոֆաշիստական «Գորշ գայլերի» նշանը։ Հանդիպման արդեն առաջին րոպեին Թուրքիայի հավաքականի պաշտպան Դեմիրալը բացել է խաղի հաշիվը։ Երկրորդ խաղակեսում պաշտպանը նաև դուբլ է ձևակերպել։ 67-րդ րոպեին ավստրիացիները հաշիվը կրճատել են, սակայն ավելին անել չի հաջողվել,և Թուրքիան դուրս է եկել …

Հուլիսի 3-ին՝ ժամը 00:45-ի սահմաններում, ՊՆ N զորամասի պահպանության տեղամասում, դեռևս չպարզված հանգամանքներում կյանքի հետ անհամատեղելի հրազենային վնասվածք է ստացել պայմանագրային զինծառայող Սարգիս Արթուրի Խաչատրյանը: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակից ընկերներին:

Գոռ Ավետիսյանն իր դիմումի համաձայն ազատվել է «Ճանապարհային դեպարտամենտ» հիմնադրամի գործադիր տնօրենի պաշտոնից։ ՏԿԵՆ-ից տեղեկացնում են, որ «Ճանապարհային դեպարտամենտ» հիմնադրամի գործադիր տնօրենի ժամանակավոր պաշտոնակատար է նշանակվել Սերժիկ Պետրոսյանը։