07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ԱՄՆ-ը պատժամիջոցներ է սահմանել Վրաստանի պաշտոնյաների նկատմամբ՝ երկրում «ժողովրդավարությունը խաթարելու» համար
Քաղաքականություն
17.09.2024 | 12:21
ԱՄՆ Ֆինանսների նախարարության արտաքին ակտիվների վերահսկողության գրասենյակը (OFAC) պատժամիջոցներ է սահմանել այն անձանց նկատմամբ, որոնք, Վաշինգտոնի կարծիքով, «խաթարել են հիմնարար ազատությունները Վրաստանում, ներառյալ՝ խոսքի ազատությունը»: Սահմանափակիչ միջոցառումների մասին հայտարարել է Ֆինանսների նախարարության մամուլի ծառայությունը։
Սահմանափակումները կիրառվել են Վրաստանի կառավարության երկու պաշտոնյաների նկատմամբ, որոնք կապված են «խաղաղ ցուցարարների և քաղաքական ընդդիմախոսների նկատմամբ դաժան բռնաճնշումների» հետ, ինչպես նաև երկու անհատների նկատմամբ, ովքեր ուղղակի կամ անուղղակի մասնակցել են հավաքների ազատության և խաղաղ կամարտահայտվելու բռնի խաթարմանը, նշել են գերատեսչությունից։
Ցուցակում են Վրաստանի ՆԳՆ հատուկ հանձնարարությունների դեպարտամենտի ղեկավար Զվիադ Խարազիշվիլին և նրա տեղակալ Միլերի Լագազաուրին։ Բացի այդ, ցուցակում ընդգրկված են ուլտրապահպանողական պրոռուսական Alt-Info պլատֆորմի առաջնորդներ Զուրաբ Մախարաձեն և Կոնստանտին Մորգոշիան։
Ըստ Վաշինգտոնի՝ առաջին երկուսը կապված են «օտարերկրյա գործակալների» մասին օրենքի դեմ բողոքի ակցիաները ճնշելու հետ։ Alt-Info-ի ղեկավարները ներգրավված են եղել լրագրողների, փոքրամասնությունների խմբերի և ոչ կառավարական կազմակերպությունների գրասենյակների թիրախավորման մեջ 2021 և 2023 թվականներին:
