09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Բլինքենն Ալիևի հետ քննարկել է Ադրբեջանում մարդու իրավունքների իրավիճակն ու ՀՀ-ի հետ խաղաղության համաձայնագիրը
Քաղաքականություն
17.09.2024 | 11:45
ԱՄՆ պետքարտուղար Էնթոնի Բլինքենի ու Ադրբեջանի նախագահ Իլյհամ Ալիևի հեռախոսազրույցի վերաբերյալ ամերիկյան կողմի տարածած հաղորդագրությունում նշվում է, որ Բլինքենը վերահաստատել է Ադրբեջանի և Հայաստանի միջև կայուն և արժանապատիվ խաղաղության կարևորությունը։
«Պետքարտուղար Բլինքենը ողջունել է կողմերի միջև վերջին առաջընթացը, ներառյալ՝ սահմանների սահմանազատման կարգավորման շուրջ համաձայնությունը: Պետքարտուղարն ընդգծել է Միացյալ Նահանգների և Ադրբեջանի միջև երկկողմ հարաբերությունների կարևորությունը և ԱՄՆ-ի հանձնառությունը այս տարվա վերջին Բաքվում COP 29-ի հաջող հյուրընկալմանը նպաստելուն»,- ասվում է հաղորդագրության մեջ։
Կողմերը քննարկել են նաև տարածաշրջանային և երկկողմ համագործակցության ոլորտները, այդ թվում՝ Ադրբեջանի կողմից մարդու իրավունքների ոլորտում միջազգային պարտավորությունների և հանձնառությունների կատարման կարևորությունը:
Ավելի վաղ զրույցի մասին հաղոդագրություն էր տարածել ադրբեջանական կողմը։
