Այսօր կրկին այցելել եմ Այրում կայարան, որտեղ ակտիվորեն ընթանում է գործածությունից ելած երկաթգծի նախկին կամրջի վերափոխման աշխատանքներ։ Այս մասին Ֆեյսբուքյան իր էջում հայտնում է ՏԿԵ նախարար Գնել Սանոսյանը Երկաթուղային հին կամուրջը վերափոխվում է տրանսպորտային միջոցների համար ճանապարհի, որն այսօր արդեն բետոնապատվում էր։ Այս եղանակով բեռները հնարավոր կլինի երկաթուղով հասցնել մինչև Այրում կայարան, այնտեղից արդեն բեռնատարներով …

Սլովենիա – Հայաստան ընկերական հանդիպումը կսպասարկի Կիպրոսը ներկայացնող մրցավարական անձնակազմը։ Տեղեկությունը հայտնում են Հայաստանի ֆուտբոլի ֆեդերացիայից։ Հանդիպման մրցավար է նշանակվել Անդրեաս Արղիրուն, մրցավարի օգնականներ՝ Նիկոս Էղլեզուն և Մարիոս Դիմիտրադիսը: Հանդիպման չորրորդ պաշտոնյան Դեյան Բելաժիչն է Սլովենիայից: ​​​​​​​Սլովենիա – Հայաստան ընկերական հանդիպումը կկայանա հունիսի 4-ին՝ ժամը 20։00-ին (Երևանի ժամանակով)։

Ժոզե Մոուրինյոն նշանակվել է թուրքական «Ֆեներբախչեի» գլխավոր մարզիչ։ Մինչ այդ, 61-ամյա պորտուգալացին իտալական «Ռոմա»-ի մարզիչն էր , որտեղից նա հեռացել էր հունվարին: Իր մարզչական կարիերայի ընթացքում Մոուրինյոն մարզել է «Չելսի», Մադրիդի «Ռեալ», Միլանի «Ինտեր», պորտուգալական «Պորտու», «Լեյրիա», «Բենֆիկա» ակումբները:

Մահացել է Հայաստանի նկարիչների միության անդամ, ՀՀ արվեստի վաստակավոր գործիչ, քանդակագործ, մանկավարժ Յուրի Մինասյանը: Հայաստանի նկարիչների միությունը հայտնում է, որ հոգեհանգստի  արարողությունը տեղի կունենա ս/թ հունիսի 3-ին, ժամը` 18:00-20:00 «Զոլեր» սգո սրահում ( հասցե՝ Գրիգոր Հասրաթյան 25/3)։

Միգրացիոն ծառայությունը բոլոր մարզերում ձևավորել է տարածքային 47 ստորաբաժանում՝ դյուրացնելու Լեռնային Ղարաբաղից բռնի տեղահանված մեր հայրենակիցների քաղաքացիության ստացման գործընթացը: Այդ մասին հայտնում են ՀՀ կառավարությունից։ «Փաստաթղթերն ընդունվում են արտահերթ, նախատեսվում է քաղաքացիության շնորհման գործերը քննել արտոնյալ ժամկետներում»,- նշված է հաղորդագրության մեջ: Մանրամասները՝ տեսանյութում։

Հունիսի 2-ից մեկնարկող «Երևանի բալետ ֆեստ»-ի օրերին «Թումո»-ի հարակից տարածքից կգործեն անվճար ավտոբուսային երթուղիներ: «Հարգելի՛ քաղաքացիներ, հունիսի 2-ից մայրաքաղաքում մեկնարկում է «Երևանի բալետ ֆեստ»-ը: Այդ առիթով հունիսի 2-ից 5-ը ներառյալ Թումանյանի անվան այգու տարածքից բալետային ներկայացումների ավարտից հետո դեպի մետրոպոլիտենի «Բարեկամություն» և «Զորավար Անդրանիկ» կայարաններ կգործեն անվճար ավտոբուսային երթուղիներ»,- ասվում է քաղաքապետարանի հաղորդագրությունում:

Բելգիայի Թագավորություն կատարած աշխատանքային այցի շրջանակում մայիսի 28-ին ՀՀ պաշտպանության նախարար Սուրեն Պապիկյանը հանդիպել է Բելգիայի փոխվարչապետ Դավիդ Կլարինվալին: Հանդիպման ընթացքում քննարկվել են Հայաստանի և Բելգիայի միջև պաշտպանության բնագավառում համագործակցության հնարավորություններին առնչվող հարցեր: Մանրամասները՝ տեսանյութում։

Հեծանիվի միջազգային օրվա կապակցությամբ Երևանում անցկացվեց հեծանվաշքերթ և հեծանվասպորտի սիրողական մրցաշար: Այս մասին հայտնում են Երևանի քաղաքապետարանից։ Այն կազմակերպվել էր Երևանի քաղաքապետարանի և ՀՀ-ում Թուրքմենստանի դեսպանատան հետ համատեղ: Մրցաշարին մասնակցում էր մոտ 300 հեծանվորդ:  

Աղետի գոտում շենքերի ու շինությունների ուսումնասիրություն իրականացնելու նպատակով ստեղծված աշխատանքային երկրորդ խումբը եղել է Ալավերդի համայնքի Քարկոփ գյուղում։ Այս մասին հայտնում են Քաղաքաշինության կոմիտեից։ Ուսումնասիրվել է բազմաբնակարան 6 շենք, բնակելի անհատական 3 տուն, բլոկավորված (կցաշար) փայտե 4 տուն, բնակելիի վերածված նախկին վարչական շենքի 2 մասնաշենք։ Շենքերի նկուղները և առաջին հարկերը լցված էին տիղմով, պատերը խունացած …

Երևանում հունիսի 2-ի ցերեկը, 3-6-ին սպասվում է առանց տեղումների եղանակ։ Հունիսի 7-ին երեկոյան ժամերին հնարավոր  է կարճատև անձրև և ամպրոպ, ամպրոպի ժամանակ՝ քամու ուժգնացում՝ 16-20մ/վ արագությամբ։Հանրապետությունում հունիսի 2-ին, 4-7-ին կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ։ Հունիսի 3-ին սպասվում է առանց տեղումների եղանակ։ Քամին՝ հարավարևելյան՝ 2-4մ/վ, ամպրոպի …