19.02.2026 | 18:17
«Օրենքը պետք է հաղթանակի». Բրիտանիայի Չարլզ III թագավորը` եղբոր ձերբակալության մասին
Ալիևը Թուրքիա է մեկնում՝ Էրդողանի հետ բանակցությունների և Իգդիր-Նախիջևան գազատարի բացմանը մասնակցելու
Քաղաքականություն
04.03.2025 | 21:47
Ադրբեջանի նախագահ Իլհամ Ալիևը Թուրքիայի նախագահ Ռեջեփ Թայիփ Էրդողանի հրավերով 2025 թվականի մարտի 5-ին կայցելի Անկարա։ Այս մասին հայտնում է Թուրքիայի նախագահի աշխտակազմի հաղորդակցության դեպարտամենտի ղեկավար Ֆահրեթթին Ալթունը։
«Նախագահական համալիրում կայանալիք բանակցությունների ընթացքում նախատեսվում է մտքերի փոխանակում տարածաշրջանային և գլոբալ ընթացիկ զարգացումների, ինչպես նաև Թուրքիայի և Ադրբեջանի միջև եղբայրական կապերի հետագա ամրապնդմանն ուղղված քայլերի վերաբերյալ»,- ասվում է հաղորդագրության մեջ։
Նշվում է, որ տեսակապով տեղի է ունենալու նաև Իգդիր-Նախիջևան գազատարի բացման արարողությունը, որի հիմնարկեքին 2023 թվականի սեպտեմբերի 25-ին մասնակցել էին երկու երկրների նախագահները։
Դեռևս 2020 թվականի դեկտեմբերին Թուրքիայի և Ադրբեջանի ԱԳ նախարարները հուշագիր էին ստորագրել Իգդիր-Նախիջևան գազատարի կառուցման վերաբերյալ, որն իրականացնում են Ադրբեջանի պետական նավթային SOCAR ու թուրքական պետական գազային BOTAŞ ընկերությունները։
Թարգմանությունը՝ Էմմա Չոբանյանի
