Ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ հունիսի 22-ին, ժամը 3-ին, Մոսկվա-Երևան չվերթի ինքնաթիռի ժամանումից հետո ձերբակալվել և գծային բաժին է տարվել 35-ամյա Լեոնիդ Բ.-ն: Նա ապրիլի 15-ից Գերմանիայի Ինտերպոլի կողմից հետախուզվում էր թմրամիջոցների ապօրինի շրջանառության մեղադրանքով․ տեղեկացնում են ՆԳՆ ոստիկանությունից։ Խափանման միջոցը՝ կալանք: Հայտնաբերման մասին հայտնվել է ՀՀ-ում Ինտերպոլի ԱԿԲ …

ՀՀԿ փոխնախագահ Արմեն Աշոտյանի գործով նիստը հասել է վկաների հարցաքննության փուլին, և Դատախազությունը միջնորդել է դադարեցնել  նիստի ուղիղ հեռարձակումը։ Պաշտպանական կողմն առարկել է։ «Հասանք հրապարակայնության սկզբունքի դե ֆակտո զրոյացմանը։ Դատախազի միջնորդությամբ՝ Աշոտյանի գործով դատարանը հանրությանը զրկեց ուղիղ եթերով վկաների հարցաքննությանը հետևելու և սեփական «վճիռը» կայացնելու հնարավորությունից։ Դատախազության այս միջնորդությունը ինքնին բավարար է՝ հաստատված ճանաչելու մեր …

Ֆուտբոլի Եվրոպայի առաջնության B խմբի վերջին տուրում հունիսի 24-ին պայքարի մեջ կմտնեն Իտալիան, Խորվաթիան, Իսպանիան ու Ալբանիան: «Արմենպրես»-ի հաղորդմամբ` B խմբում Ալբանիան ուժերը կչափի Իսպանիայի, իսկ Խորվաթիան` Իտալիայի հետ: Երկու խաղերն էլ կմեկնարկեն Երևանի ժամանակով 23:00-ին: B խմբում արդեն իսկ փլեյ-օֆֆի ուղեգիր նվաճել է Իսպանիան: Այժմ Իտալիան ունի 3, Խորվաթիան ու Ալբանիան 1-ական միավոր:

«Վեոլիա Ջուր» ընկերությունից տեղեկացնում են, որ պլանային աշխատանքներով պայմանավորված, ս.թ. հունիսի 25-ին ժամը 10:00-ից մինչև հունիսի 26-ը ժամը 22:00-ը կդադարեցվի Արմավիրի մարզի հետևյալ տարածքների ջրամատակարարումը. Արևաշատ, Պտղունք, Ոսկեհատ, Զվարթնոց, Մուսալեռ գյուղեր, Էջմիածին քաղաքի Զվարթնոց թաղամաս: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

Հունիսի 23-ին, ժամը 16-ի սահմաններում, «ԿամԱԶ» բեռնատարը Մեղրի-Երևան ճանապարհի 54-րդ կմ-ին դուրս է եկել երթևեկելի գոտուց և կողաշրջվել: Վարորդը՝ 42-ամյա Միքայել Հ.-ն, մահացել է․ տեղեկացնում են ՆԳՆ-ից։ Կատարվում է նախաքննություն:

ՆԳՆ ոստիկանության ՔՈԳՎ և Շենգավիթի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների արդյունքում հունիսի 21-ին Ամերիկյան փողոցում հայտնաբերվել, ձերբակալվել և Շենգավիթի բաժին է տեղափոխվել 34-ամյա Օլեգ Ն.-ն: Նա ԱՄՆ Վաշինգտոն նահանգի իրավապահ մարմինների կողմից հետախուզվում էր ԱՄՆ քրեական օրենսգրքի մի շարք հոդվածների մեղադրանքով․ տեղեկացնում են ՆԳՆ ոստիկանությունից։ Խափանման միջոցը՝ կալանք: Հայտնաբերման մասին հայտնվել է ՀՀ-ում …

Ստեփանակերտում, Մարտակերտում և Իվանյանում Ադրբեջանի նախագահ Իլհամ Ալիևի հատուկ ներկայացուցիչ Էլչին Յուսուբովը Արցախի մայրաքաղաքում անցկացվող «Կրթության և իրավապահ միջոցառումների դերը շրջակա միջավայրի ամրապնդման գործում» համաժողովի ժամանակ հայտարարել է, որ Բաքուն աշխատանքներ է տանում Ստեփանակերտը բնակեցնելու ուղղությամբ, գրում են ադրբեջանական լրատվամիջոցները։ «Ներկայում Խանքենդիում (Ստեփանակերտում) բնակվում է ավելի քան 3000 մարդ։ Նրանք պետական ​​ձեռնարկությունների աշխատակիցներ են, բիզնեսով …

Հայաստանի ազգային հավաքականի նախկին ավագ Հենրիխ Մխիթարյանը Newmag / summerfest-2024-ի շրջանակում հյուրընկալվել է Արտակ Ալեքսանյանին և խոսել մի շարք հարցերից․ գրում է armsport.am-ը։ Անդրադառնալով ազգային թիմ վերադառնալու շանսերին՝ Մխիթարյանը նշել է՝ այն, ինչ ունի սկիզբ, ունի նաև ավարտ. «Ավելի լավ է ավարտել մեկ քայլ շուտ, քան՝ երկու քայլ ուշ: Ավելի լավ է՝ այդ որոշումը կայացնես …

ԵՄ-ն ընդունել է Ռուսաստանի դեմ պատժամիջոցների 14-րդ փաթեթը, որը, ի թիվս այլ բաների, առնչվում է ռուսական հեղուկացված բնական գազի փոխադրմանը եվրոպական նավահանգիստներով։ Սահմանափակումների ցանկում ներառվել են նաև 116 ֆիզիկական և իրավաբանական անձինք, այդ թվում՝ ընկերություններ Չինաստանից, Ղազախստանից, Ղրղզստանից, Թուրքիայից և ԱՄԷ-ից, գրում է Current time-ը։ ԵՄ-ն առաջին անգամ պատժամիջոցներ է սահմանում ռուսական հեղուկացված բնական գազի …