Սամվել Մայրապետյանից հողատարածք բռնագանձվեց. Աննա Վարդապետյանը մանրամասներ է ներկայացնում․ ՏԵՍԱՆՅՈՒԹ

Նիկոլ Փաշինյանն այսօր կառավարության նիստում անդրադարձավ մի հրապարակման ըստ որի՝ հենակետային քոլեջի շենքը, իբր, նվիրել է իր դստերը։

«Այս մարդիկ մեկ խնդիր ունեն՝ ցույց տալու, որ մենք իրենց նման ենք, արդեն չեն էլ փորձում ապացուցել, որ իրենք թալանչի, սրիկա, ստահակ են»,- հունից դուրս եկավ վարչապետը։

Նա անդրադարձավ նաև այն հրապարակման, ըստ որի՝ Ֆրանսիայում , իբր, 3 միլիոն եվրոյով տուն է գնել։ «Ֆրանսիայում մի երկու դաշնակ-մաշնակ կա, տանում, 3 եվրոյով կայք են բացում, մեջը ինչ զառանցանք ասես՝ դնում են, դե արի ապացուցի… ասում եմ՝ քոչարյանասերժական ստահակ զանգվածն էլ չի փորձում ապացուցի, որ իրենք բան են…»,- ասաց նա։

Ըստ Փաշինյանի՝ իրենք կոռեկտություն պահելով սխալվել են։

«Մե՛նք չենք արձանագրել, որ Ռոբերտ Քոչարյանը կաշառակեր է, դա արձանագրված է դատարանի որոշմամբ։ Սրանից հետո, երբ ելույթ ունենամ ու հնչի Ռոբերտ Քոչարյան անունը, ասելու եմ՝ կաշառակեր։ Լավ, ամեն ինչին չափ ու սահման կա»,- հայտարարեց նա։

Փաշինյանն ընդգծեց՝ շարունակելու են թալանը հատիկ-հատիկ վերադարձնել, ուրիշ տարբերակ չկա։
«Չե՛ն փախնի, ոնց ասել եմ, որ ոչ մի ձուկ ու ոչ մի մուկ չի պլստալու, արդեն չեն պլստում ու դրանից անկանոն շարժումներով ու անկանոն գոռգոռոցներով են լցրել Հայաստանը»,- հավելեց նա։

Նիստի ընթացքում գլխավո դատախազ Աննա Վարդապետյանը տեղեկացրեց, որ Քոչարյանի մերձավոր գործարարներից Սամվել Մայրապետյանն էլ պետությանը հողատարածք է վերադարձնում։

Մանրամասները` տեսանյութում։

Նարեկ Կիրակոսյան