16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թեհրանի և Բաքվի հարաբերությունների զարգացման գործում շրջադարձային պահ է․ Ալիևն ու Փեզեշքիանը հեռախոսազրույց են ունեցել
Քաղաքականություն
05.06.2025 | 11:47
Իրանի նախագահ Մասուդ Փեզեշքիանն ու Ադրբեջանի նախագահ Իլհամ Ալիևը հեռախոսազրույց են ունեցել, գրում է IRNA-ն։
Իրանական կողմի փոխանցմամբ՝ Փեզեշքիանը շեշտել է երկկողմ համաձայնագրերի իրականացման կարևորությունը, մասնավորապես, տրանսպորտի և էներգետիկայի կենսականորեն կարևոր ոլորտներում, նաև նշել, որ այդ պարտավորությունների կատարումը մոտ ապագայում կհանգեցնի երկու երկրների տնտեսական զարգացմանը, աճին և բարգավաճմանը։։
Ադրբեջանի նախագահ Իլհամ Ալիևն է, անդրադառնալով Իրանի նախագահի Բաքու այցին՝ այն գնահատել է «պատմական, կարևոր և հաջողված»։ Խոսելով ձեռքբերումների և այդ այցից հետո երկու երկրների միջև ֆինանսական կապերի ամրապնդման մասին՝ նա հույս է հայտնել, որ կառուցողական գործընթացը կշարունակվի այլ ոլորտներում, և երկու երկրների միջև հարաբերությունները կխորանան։
Ադրբեջանական կողմի տարածած հաղորդագրության համաձայն՝ հեռախոսազրույցի ընթացքում ընդգծվել է, որ ներկայում երկու երկրների համապատասխան պետական մարմինները շարունակում են ջանքեր գործադրել Մասուդ Փեզեշքիանի Ադրբեջան պաշտոնական այցի ընթացքում դրված առաջադրանքների իրականացման ուղղությամբ։ Որպես այցի արդյունք՝ նշվել է Բաքու-Թավրիզ չվերթի վերականգնումը և Բաքու-Թեհրան չվերթների թվի ավելացումը։
«Ընդգծվել է, որ ներկայում ադրբեջանա-իրանական հարաբերությունների զարգացման գործում շրջադարձային պահ է եկել, և հույս է հայտնվել, որ համատեղ ջանքերի շնորհիվ մեր երկրների միջև տարբեր ոլորտներում հարաբերությունները կզարգանան դինամիկ կերպով»,- ասվում է հաղորդագրության մեջ։
Թարգմանությունը՝ Էմմա Չոբանյանի
