15.02.2026 | 15:11
Օդի ջերմաստիճանը փետրվարի 16-23-ը կանխատեսվում է նորմայից բարձր․ Լևոն Ազիզյան
Մհեր Գրիգորյանը Դուշանբեում մասնակցել է Տաջիկստանի նախագահի և ԱՊՀ կառավարությունների ղեկավարների խորհրդի անդամների հանդիպմանը
Քաղաքականություն
05.06.2025 | 11:14
ՀՀ փոխվարչապետ Մհեր Գրիգորյանը Դուշանբեում մասնակցել է ԱՊՀ կառավարությունների ղեկավարների խորհրդի անդամների և Տաջիկստանի նախագահ Էմոմալի Ռահմոնի հանդիպմանը:
«Ховар»–ի փոխանցմամբ՝ Էմոմալի Ռահմոնն ընդունել է Դուշանբե ժամանած ԱՊՀ անդամ պետությունների կառավարությունների ղեկավարներին։ Հանդիպման ընթացքում քննարկվել են Համագործակցության շրջանակում կողմերի միջև համագործակցության հարցերը և Տաջիկստանի՝ ԱՊՀ-ում նախագահության օրակարգը։
Ռահմոնը խոսել է Տաջիկստանի նախագահության առաջնահերթությունների, այդ թվում՝ իր երկրի կողմից համագործակցության հարաբերությունների զարգացման և ընդլայնման, ինչպես նաև հրատապ հարցերի լուծման ուղղությամբ ձեռնարկված միջոցառումներից։
Դուշանբեում մեկնարկել է նաև ԱՊՀ կառավարությունների ղեկավարների խորհրդի նիստը՝ Տաջիկստանի վարչապետ Կոխիր Ռասուլզոդայի ղեկավարությամբ։
Թարգմանությունը՝ Էմմա Չոբանյանի
