ԱՄՆ նորընտիր նախագահ Դոնալդ Թրամփը հրապարակել է ապագա պաշտպանության նախարարի, ներքին անվտանգության նախարարի և ԿՀՎ տնօրենի անունները։ Մասնավորապես, Թրամփը Պենտագոնի ղեկավարի պաշտոնում առաջադրել է Fox News-ի հաղորդավար Փիթ Հեգսեթի թեկնածությունը, հայտնում է Politico-ն։ Իր որոշման մասին հայտարարելիս նորընտիր նախագահը նշել է, որ Հեգսեթը բանակի վետերան է և ծառայել է Աֆղանստանում, Իրաքում և Գուանտանամոյում։ Բացի այդ, …

ԱԺ նիստում, երբ Պաշտպանության և անվտագության մշտական հարցերի հանձնաժողովի նախագահ Անդրանիկ Քոչարյանը ներկայացնում էր ռազմարդյունաբերության կոմիտեի կատարողականը, «Հայաստան» խմբակցության պատգամավոր Արթուր Խաչատրյանը նախքան հարց տալը, նման դիտարկում արեց․ «Է՜հ, պարո՛ն Քոչարյան, էն «ՍՈւ-30»-ներով էլ էին ոգևորված, քանի՞ կիլոմետր թռան»։ Ընդդիմադիր պատգամավորի դիտարկամանն Անդրանիկ Քոչարյանն արձագանքեց՝ էլի՛ կոգևորվենք, հանգի՛ստ եղեք։ Մանրամասները՝ տեսանյութում։

ԱԺ նիստում «Հայաստան» խմբակցության պատգամավոր Թադևոս Ավետիսյանը Պաշտպանության և անվտագության մշտական հարցերի հանձնաժողովի նախագահ Անդրանիկ Քոչարյանին հարցրեց, թե ինչո՞ւ է ռազմարդյունաբերության կատարողականը զրո։ Անդրանիկ Քոչարյանը պատասխանեց․ «Գայթակղիչ է ասել՝ զրոն լավ թիվ է, բայց զրո չի»։ Անդրանիկ Քոչարյանը նաև հայտարարեց, որ որոշել են այցելել ռազմարդյունաբերական տարբեր ձեռնարկություններ և ընդդիմադիրներին հրավիրեց մասնակցելու այդ այցերին։ Մանրամասները՝ տեսանյութում։

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները նոյեմբերի 13-ի դրությամբ՝ ըստ rate.am-ի: Ամերիկյան մեկ դոլարը գնվում է միջինը 385.13 դրամ, վաճառվում՝ 390 դրամ փոխարժեքով: Մեկ եվրոն գնվում է գնվում է միջինը 406,30 դրամ, վաճառվում՝ 417,36 դրամ փոխարժեքով: Մեկ ռուսական ռուբլին գնվում է գնվում է միջինը 3.85 դրամ, վաճառվում՝ 4.12 դրամ փոխարժեքով։

Վարչապետ Նիկոլ Փաշինյանը շնորհավորական ուղերձ է հղել Ճապոնիայի վարչապետ Շիգերու Իշիբային պաշտոնում վերընտրվելու առիթով: Ուղերձում, մասնավորապես, ասված է. «Շնորհավորում եմ Ձեզ Ճապոնիայի վարչապետի պաշտոնում վերընտրվելու կապակցությամբ: Վերահաստատում եմ իմ պատրաստակամությունը Ձեզ հետ համատեղ ջանքեր գործադրել Հայաստանի և Ճապոնիայի միջև առկա բարեկամական հարաբերությունները շարունակաբար զարգացնելու և ամրապնդելու ուղղությամբ՝ ի շահ մեր երկու պետությունների և ժողովուրդների: Օգտվելով …

Ադրբեջանի նախագահ Իլհամ Ալիևը հանդիպել է Մեծ Բրիտանիայի Միացյալ Թագավորության և Հյուսիսային Իռլանդիայի վարչապետ Քիր Սթարմերի հետհայտնում են ադրբեջանական լրատվամիջոցները։ Նշվում է, որ սա Սթարմերի առաջին այցն է Ադրբեջան։ Հանդիպման ընթացքում վարչապետ Սթարմերը հետաքրքրվել է Հայաստանի ու Ադրբեջանի միջև խաղաղ բանակցային գործընթացով։ Ալիևը նշել է, որ ներկայում բանակցությունները շարունակվում են, պայմանագրի զգալի մասն արդեն համաձայնեցված …

ԱՄՆ պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ։ Պետքարտուղարության հաղորդագրության համաձայն՝ կողմերը քննարկել են դիվանագիտական ​​լուծման հասնելու շարունակական ջանքերը, որով իրականություն կդառնա ՄԱԿ-ի 1701-րդ բանաձևը և Լիբանանի և Իսրայելի քաղաքացիները հնարավորություն կստանան վերադառնալու իրենց տները: Բլինքենը կրկնել է, որ ժամանակն է դադարեցնել հակամարտությունը Գազայում, ապահովել պատանդների ազատ արձակումը, ավելացնել մարդասիրական օգնությունը …

ԱԺ-ում շարունակվում են երեկ՝ նոյեմբերի 12-ին, մեկնարկած հերթական քառօրյայի աշխատանքները։

«Երևանի աղբահանություն և սանիտարական մաքրում» համայնքային հիմնարկը ձմռանն ընդառաջ վերապատրաստում է տեխնիկան: Այս մասին հայտնում են Երևանի քաղաքապետարանից։ «Մեքենաները նորոգվում են, հիմնարկի երեք պահեստներում կուտակվում է աղն ու ավազը: Նախորդ տարի ձեռք բերված 50 բազմաֆունկցիոնալ տեխնիկան, որը նախատեսված է մայթերի մաքրման համար, ևս կարգի է բերվում»,- ասված է հաղորդագրությունում։ Նշվում է նաև, որ հավաքակայանն ամեն …

Փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։ Սյունիքի մարզի բարձրադիր գոտիներում մառախուղ է: Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: