12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Յոթ երկիր, այդ թվում Հայաստանը, Թրամփին Խաղաղության Նոբելյան մրցանակ շնորհելու կոչ է անում․ Սպիտակ տուն
Քաղաքականություն
13.08.2025 | 09:32
«Նախագահ Դոնալդ Ջ. Թրամփը ԽԱՂԱՂՈՒԹՅԱՆ նախագահն է». Սպիտակ տունը լուսանկար է հրապարակել՝ նշելով այն երկրների առաջնորդների անունները, որոնք նախագահ Թրամփին Խաղաղության Նոբելյան մրցանակ շնորհելու առաջարկ են արել։
«Հայաստանի Հանրապետության վարչապետ Նիկոլ Փաշինյան,
Ադրբեջանի նախագահ Իլհամ Ալիև,
Կամբոջայի վարչապետ Հուն Մանեթ,
Գաբոնի նախագահ Բրայս Օլիգի Նգուեմա,
Իսրայելի վարչապետ Բենյամին Նեթանյահու,
Պակիստանի կառավարություն,
Ռուանդայի արտաքին գործերի նախարար Օլիվիե Նդուհիրեհե »,- ասված է Սպիտակ տան գրառման մեջ։
Հիշեցնենք, որ օգոստոսի 8-ին Սպիտակ տանը ՀՀ վարչապետ Նիկոլ Փաշինյանն իր խոսքում ասաց, որ նախագահ Թրամփն արժանի է Խաղաղության Նոբելյան մրցանակի, ինչից հետո Ալիևը Թրամփին Նոբելյան մրցանակի ներկայացնելու առաջարկ հնչեցրեց։
Նշենք, որ Ալֆրեդ Նոբելի ցանկութան համաձայն՝ Խաղաղության Նոբելյան մրցանակը պետք է հանձնվի այն մարդուն, «ով կկատարի ամենամեծ կամ ամենաարդյունավետ աշխատանքը՝ ազգերի մեջ եղբայրություն հաստատելու, մշտական զորքերի վերացման կամ նվազեցման, խաղաղության համագումարների անցկացման և խթանման համար»։
